Avviżi

◼ Offerta tal-​letteratura għal Settembru: Life​—How Did It Get Here? By Evolution or by Creation? [bl-Ingliż] Kongregazzjonijiet li għandhom provista taʼ Int Tistaʼ Tgħix Għal Dejjem Fil-​Ġenna Fuq L-​Art jistgħu joffru dan il-​ktieb. Ottubru: Kopji individwali kemm taʼ It-​Torri Taʼ L-​Għassa bil-​Malti u bl-​Ingliż u kemm taʼ l-​Awake! Novembru: Għarfien Li Jwassal Għall-​Ħajja Taʼ Dejjem. Se jsir sforz speċjali sabiex immorru lura kulfejn inkunu ħallejna dan il-​ktieb, bil-​ħsieb li jinbdew studji tal-​Bibbja fid-​dar. Diċembru: New World Translation mal-​ktieb Int Tistaʼ Tgħix Għal Dejjem Fil-​Ġenna Fuq L-​Art.

◼ L-​indokratur li jippresiedi jew xi ħadd maħtur minnu għandu jeżamina l-​kontijiet tal-​kongregazzjoni fl-​1 taʼ Settembru jew kemm jistaʼ jkun malajr wara din id-​data. Għandu jsir avviż lill-​kongregazzjoni meta dan ikun seħħ.

◼ Pubblikaturi li qegħdin jippjanaw biex jaqdu bħala pijunieri awżiljarji f’Ottubru għandhom jitfgħu applikazzjoni kmieni. Dan se jippermetti lill-​anzjani biex jagħmlu l-​arranġamenti meħtiġin għar-​rivisti, għal-​letteratura, u għat-​territorju.

◼ L-​anzjani huma mfakkrin biex jagħmlu kif juru l-​istruzzjonijiet mogħtijin f’paġni 21-3 tal-​Watchtower tal-​15 t’April, 1991, rigward persuni maqtugħin mis-​sħubija jew diżassoċjati li jistgħu jkunu inklinati lejn li jerġgħu jiġu aċċettati.

◼ Mill-​ħarġa li jmiss t’Ottubru-Diċembru 1996, l-​Awake! se jiġi stampat kull tliet xhur bil-​Ġeorġjan.

◼ Minn Jannar taʼ l-​1997, l-​edizzjoni taʼ l-​Awake! bil-​Marati se tibda toħroġ kull xahar.

◼ L-​istampar darbtejn fix-​xahar tal-​Watchtower bil-​Ġeorġjan se jibda f’Jannar taʼ l-​1997.

◼ Il-​Konvenzjoni Distrettwali “Messaġġiera Tal-​Paċi Divina”

Il-konvenzjoni distrettwali għal Malta se terġaʼ ssir fiċ-​Ċentru Għall-​Konferenzi tal-​Lukanda New Dolmen, fil-​Qawra, matul il-​perijodu tat-​12 sal-​14 taʼ Settembru. Huwa ttamat li d-​drama se tiġi ppreżentata kemm bil-​Malti u kemm bl-​Ingliż sabiex kulħadd ikun ­jistaʼ jikseb il-​benefiċċju massimu ­mill-informazzjoni mill-​aqwa. Jekk tippermettulna nixtiequ nissuġġerixxu li, qabel ma tattendu l-​konvenzjoni, bħala familji, terġgħu taqraw l-​insert taʼ Il-​Ministeru Tas-​Saltna taʼ Mejju taʼ l-​1996 u tagħtu kas b’mod partikulari lejn siltiet li japplikaw għal Malta. B’dan il-​mod tingħata xiehda mill-​aqwa, kemm lil dawk li jattendu u kemm lill-​ħaddiema u l-​mistednin tal-​lukanda.