Kaxxa għall-​Mistoqsija

◼ X’għandna nżommu f’moħħna meta niktbu ittri lil inkwilini li ma rnexxilniex insibuhom id-​dar?

Għal diversi raġunijiet, qegħdin insibuha dejjem iktar diffiċli biex nikkuntattjaw lin-​nies meta nżuru d-​djar tagħhom. Xi pubblikaturi sabu li l-​kitba taʼ l-​ittri hija mod prattiku biex jikkuntattjawhom. Fil-​waqt li dan jistaʼ jkollu xi riżultati tajbin, hemm bżonn li jiġu kkunsidrati xi tfakkiriet li jistgħu jgħinuna nevitaw xi diffikultajiet:

Tużax l-​indirizz tas-​Soċjetà. Dan ikun jindika b’mod żbaljat li l-​korrispondenza ġiet mibgħuta mill-​uffiċċji tagħna, u b’hekk jinħolqu problemi żejda u xi kultant iktar spejjeż.

Kun ċert li għandek l-​indirizz korrett u biżżejjed bolli.

Tindirizzax l-​ittri lill-​“Okkupant”; uża isem speċifiku.

Tħallix ittri fil-​bieb meta ma jkun hemm ħadd fid-​dar.

Ittri qosra huma l-​aħjar. Poġġi xi fuljett jew rivista minflok ma tipprova tikteb messaġġ twil.

Ittri ttajpjati huma iktar faċli biex jinqraw u joħolqu impressjoni iktar favorevoli.

L-ittri ma jitniżżlux bħala żjajjar lura sakemm ma tkunx tajt xiehda personalment lil dak l-​individwu xi darb’oħra.

Jekk qiegħed tikteb lil xi ħadd li qabel kien wera interess, għandek tipprovdi indirizz jew numru tat-​telefon sabiex tkun tistaʼ tiġi kkuntattjat. Spjega l-​programm tagħna taʼ studju mill-​Bibbja.

Agħmel stedina għal-​laqgħat tal-​kongregazzjoni lokali. Agħti l-​indirizz u l-​ħinijiet tal-​laqgħat.

Tkomplix tibgħat ittri lil dawk li ma sibthomx fid-​dar wara li tirritorna t-​territorju; il-​pubblikatur li fil-​mument għandu dak it-​territorju hu responsabbli biex jaħdmu.