Avviżi
◼ L-offerta tal-letteratura għal Marzu: Is-Sigriet Taʼ L-Hena Fil-Familja. April u Mejju: Kopji individwali taʼ It-Torri Taʼ L-Għassa u Stenbaħ!, kemm bil-Malti u kemm bl-Ingliż. Għal servizz matul il-ġimgħa u f’territorju li jinħadem taʼ spiss, jistaʼ jintuża l-brochure Alla X’Jirrikjedi Minna? Ġunju: Għarfien Li Jwassal Għall-Ħajja Taʼ Dejjem. Ikkonċentra biex tipprova tibda studji tal-Bibbja fid-djar.
◼ L-indokratur li jippresiedi jew xi ħadd maħtur minnu għandu jagħmel rendikont tal-kontijiet tal-kongregazzjoni fl-1 taʼ Marzu jew kemm jistaʼ jkun malajr wara din id-data. Għandu jsir avviż lill-kongregazzjoni meta dan ikun seħħ.
◼ It-taħdita pubblika speċjali għall-istaġun tal-Mafkar taʼ din is-sena se tiġi ppreżentata fil-biċċa l-kbira tal-kongregazzjonijiet nhar il-Ħadd, 6 t’April. It-taħdita jisimha “Żomm Ruħek Nadif Mit-Tniġġis Tad-Dinja.” Ilkoll kemm aħna għandna nattendu, u għandna ngħinu lil uħud li wrew interess u li ġew għall-Mafkar biex ikunu preżenti għat-taħdita. Żgur li dak li se nisimgħu se jġagħalna nġeddu d-determinazzjoni biex nogħġbu ’l Alla.
◼ Sabiex nieħdu dak kollu li nistgħu mill-istudji tal-kongregazzjoni fil-ktieb L-Aqwa Bniedem, jekk jogħġobkom ikkunsidraw il-gwidi eċċellenti li dehru f’paġna 1 taʼ l-Our Kingdom Ministry taʼ Settembru 1992. L-artiklu jispjega kif nippreparaw kull lezzjoni u liema formât għandu jsegwi l-Istudju tal-Ktieb tal-Kongregazzjoni. Dawk li jikkonduċu l-istudju u dawk kollha li jattendu se jibbenefikaw mir-reviżjoni taʼ din l-informazzjoni.
◼ F’kull komunità, f’diversi żminijiet matul is-sena, insibu btajjel dinjin fejn it-tfal ikunu eżenti mill-iskola u wħud ikollhom vaganza mix-xogħol sekulari. Dawn jipprovdu opportunitajiet eċċellenti għall-kongregazzjoni biex ikollha iżjed sehem fil-ministeru taʼ l-għalqa. L-anzjani għandhom jaraw minn qabel meta jaħbtu dawn l-okkażjonijiet u jinformaw lill-kongregazzjoni biżżejjed minn qabel bl-arranġamenti li jkunu se jsiru għall-għoti taʼ xiehda bħala grupp matul il-perijodi tal-btajjel.