Laqgħat tas-Servizz għal April
Ġimgħa Li Tibda 7 T’April
12 min: Avviżi lokali. Avviżi magħżulin minn Il-Ministeru Tas-Saltna. Semmi xi punti mir-rivisti kurrenti li nistgħu nibdew diskussjonijiet bihom.
15 min: “Qegħdin Jiżdiedu Kotriet.” Mistoqsijiet u tweġibiet. Irrevedi s-suġġerimenti prinċipali mgħoddijin f’It-Torri Taʼ L-Għassa tal-15 taʼ Novembru, 1993, paġni 8-12 (w93 8/15 pġi. 12-17).
18 min: “Għin Lil Uħud Bla Esperjenza Biex Jifhmu.” Mistoqsijiet u tweġibiet. Irrevedi xi aspetti tal-brochure X’Jirrikjedi: metodu taʼ studju simplifikat, mistoqsijiet f’waqthom, stampi li jolqtu l-għajn, referenzi abbundanti għall-Iskrittura. Enfasizza l-mira taʼ li jinbdew studji li eventwalment iwasslu għall-ktieb Għarfien. Ħejji pubblikatur kapaċi biex jagħmel turija taʼ kif wieħed jibda studju billi juża l-metodu msemmi f’paragrafu 4. Inkuraġġixxi lill-ġenituri kollha fil-kongregazzjoni biex jistudjaw il-brochure mat-tfal żgħar tagħhom.
Għanja 130 u talba taʼ l-għeluq.
Ġimgħa Li Tibda 14 T’April
10 min: Avviżi lokali. Rapport tal-kontijiet. Skond ma jippermetti l-ħin, irrakkonta fil-qosor xi esperjenzi fl-għalqa lokali rigward tqassim tal-brochure X’Jirrikjedi u studji tal-Bibbja li nbdew permezz tiegħu.
15 min: “Nidderieġu Lill-Istudenti Lejn L-Organizzazzjoni Li Hemm Wara Isimna.” (Paragrafi 1-6) Mistoqsijiet u tweġibiet. Aqra paragrafi 5-6 u l-iskritturi ċċitati. Irrakkonta xi esperjenzi lokali dwar ir-reazzjoni li kellhom studenti tal-Bibbja wara li raw il-vidjo Jehovah’s Witnesses—The Organization Behind the Name.
20 min: “Għallem Lil Oħrajn Dak Li Alla Jirrikjedi.” Diskussjoni maʼ l-udjenza taʼ paragrafi 1-4. Ħejji turijiet tal-preżentazzjonijiet f’paragrafu 5, billi jintużaw erbaʼ settings differenti—fit-triq, f’dar, f’post tan-negozju, u fi ġnien. Fakkar lil kulħadd biex jiġbor il-brochures u r-rivisti għas-servizz taʼ l-għalqa l-lejla qabel ma jitlaq mis-Sala tas-Saltna.
Għanja 126 u talba taʼ l-għeluq.
Ġimgħa Li Tibda 21 T’April
15 min: Avviżi lokali. Spjega li m’huwiex tard wisq biex wieħed jitfaʼ applikazzjoni għal pijunier awżiljarju f’Mejju. Irrevedi l-Kaxxa Għall-Mistoqsija, u għarraf lill-kongregazzjoni jekk hemm bżonn ċerti kotba biex titkompla l-librerija fis-Sala tas-Saltna.
15 min: “Nidderieġu Lill-Istudenti Lejn L-Organizzazzjoni Li Hemm Wara Isimna.” (Paragrafi 7-14) Mistoqsijiet u tweġibiet. Ħejji għalliem kapaċi biex juri kif jistaʼ jkollok diskussjoni sinċiera u bil-miftuħ maʼ student dwar il-bżonn li jattendi l-laqgħat.
15 min: Nagħmlu Użu Sħiħ Mil-Letteratura Tagħna. Taħdita mogħtija minn anzjan. (Ara l-Our Kingdom Ministry taʼ Settembru 1995, paġni 3-5.) Rapporti juru li l-kongregazzjonijiet taʼ spiss jordnaw ħafna iktar rivisti milli fil-fatt iqassmu kull xahar. Sa 50 fil-mija minnhom qatt ma jiġu rrapportati bħala li tħallew maʼ xi ħadd. (Uri x’jindikaw l-istatistiċi lokalment.) X’jiġri minn dawn ir-rivisti? Ħafna minnhom jispiċċaw fuq l-ixkaffa jew jintremew. Dan kif jistaʼ jiġi evitat? Kull pubblikatur għandu janalizza bir-reqqa l-bżonnijiet tiegħu u jordna biss dak li jistaʼ jħalli. Ħuduha drawwa li toffru r-rivisti lil kulmin tiltaqgħu miegħu. Twarrbux fil-ġenb il-ħarġiet il-qodma. Ħudu sehem fis-servizz bir-rivisti regolarment. Żommu f’moħħkom li hemm bżonn insemmu l-arranġament tad-donazzjoni kulmeta jqumu xi mistoqsijiet dwar ix-xogħol tagħna taʼ madwar id-dinja. Jekk jogħġobkom itfgħu donazzjonijiet bħal dawn fil-pront.
Għanja 128 u talba taʼ l-għeluq.
Ġimgħa Li Tibda 28 T’April
15 min: Avviżi lokali. Fakkar lil kulħadd biex jitfaʼ r-rapport tiegħu tas-servizz taʼ l-għalqa għal April. Ħabbar l-ismijiet taʼ dawk li se jkunu pijunieri awżiljarji f’Mejju. Semmi l-arranġamenti l-oħrajn li se jsiru lokalment għal-laqgħat tas-servizz. Matul Mejju għandu jsir sforz speċjali biex immorru lura kulfejn inkunu ħallejna xi brochure bil-mira li nibdew studji. Issuġġerixxi fil-qosor xi modi kif nistgħu bit-tattika nitolbu l-isem u l-indirizz tan-nies li nagħtuhom xiehda informali. Tistaʼ l-ewwel tgħidilhom x’jismek u tagħtihom l-indirizz u tistaqsihom jekk għandhomx numru tat-telefon fejn jistgħu jiġu kkuntattjati. Stieden lil kulħadd fl-udjenza biex joffri iktar suġġerimenti li huma sabu li jirnexxu.
15 min: “Dawn Għala Jagħmluh?” Anzjan jiddiskuti l-artiklu maʼ żewġ jew tliet pijunieri regulari. (Jekk m’humiex disponibbli, uża wħud li taʼ spiss ikunu pijunieri awżiljarji.) Inkludi xi punti prinċipali mill-artiklu “Pioneers Bestow and Receive Blessings” (Il-Pijunieri Jagħtu u Jirċievu Barkiet), fil-Watchtower tal-15 taʼ Jannar, 1994. Staqsi lil kull wieħed u waħda minnhom biex jgħidu kif bdew fis-servizz taʼ pijunier. Itlobhom jirrakkontaw xi esperjenzi li juru kif huma ġew imberkin talli għamlu hekk.
15 min: Bżonnijiet lokali. L-anzjani jistgħu jużaw dan il-ħin biex jippreżentaw informazzjoni fuq xi bżonnijiet lokali speċifiċi.
Għanja 129 u talba taʼ l-għeluq.