Dawn Għala Jagħmluh?
1 Kien ġie mbassar dwar il-Kristu li ‘żelu assolut għad-dar t’Alla kellu jibilgħu.’ (Salm 69:9) Iż-żelu li kellu Ġesù għall-qima vera lejn Jehovah ġagħlu jpoġġi l-ministeru l-ewwel. (Luqa 4:43; Ġwn. 18:37) Dan l-istess żelu biex tingħata xiehda lill-verità huwa rifless illum fil-ministeru tax-Xhieda taʼ Jehovah. Fis-sena taʼ servizz li għaddiet, medja taʼ 645,509 madwar id-dinja ħadu sehem f’xi għamla taʼ servizz taʼ pijunier kull xahar. Meta nqisu d-dedikazzjoni tagħna lejn Alla, kull wieħed u waħda minna għandna nikkunsidraw permezz tat-talb jekk nistgħux nirranġaw iċ-ċirkostanzi tagħna sabiex inkunu nistgħu naqdu bħala pijunier awżiljarju jew regulari.—Salm 110:3; Ekkl. 12:1; Rum. 12:1.
2 Billi jgħixu f’sistema t’affarijiet li hija materjalistika b’mod egoistiku, ħafna wħud fid-dinja jsibuha diffiċli biex jifhmu għala xi ħadd jistaʼ qatt jaħdem daqshekk iebes fil-ministeru għal xi ħaġa li la tirrendi ħlas bi flus u lanqas unur. Il-pijunieri għala jagħmluh? Huma jafu li qegħdin jieħdu sehem f’xogħol li jsalva l-ħajja. Imqanqlin b’imħabba profonda lejn Jehovah u lejn il-proxxmu tagħhom, huma jħossu obbligu qawwi u persunali biex jgħinu f’li jsalvaw il-ħajjiet. (Rum. 1:14-16; 1 Tim. 2:4; 4:16) Koppja fejn it-tnejn huma pijunieri spjegaw dan b’mod tajjeb billi qalu: “Għala qegħdin nagħmlu x-xogħol taʼ pijunier? Nistgħu qatt niġġustifikaw lilna nfusna quddiem Jehovah jekk ma nagħmluhx?”
3 Oħt oħra kitbet hekk rigward id-deċiżjoni tagħha biex tibda taqdi bħala pijuniera: “Jien u żewġi ppjanajna li ngħixu b’paga waħda, u dan kien ifisser li nwarrbu dawk l-affarijiet li ma kinux essenzjali. Madankollu, Jehovah berikna bil-kbir, billi qatt ma ħalliena fil-bżonn jew neqsin. . . . Jien sibt raġuni vera għalxiex ngħix—dik li ngħin lil uħud fil-bżonn isiru jafu li Jehovah, dak Alla veru, m’huwiex ’il bogħod minn dawk li qegħdin ifittxuh.” Meta jaraw l-urġenza taż-żminijiet, il-pijunieri jikkuntentaw bil-bżonnijiet tal-ħajja fil-waqt li bil-ħeġġa jfittxu li jiksbu teżori spiritwali li jservu għal dejjem.—1 Tim. 6:8, 18, 19.
4 Jekk iċ-ċirkostanzi persunali tiegħek jippermettulek, għala ma tingħaqadx mal-mijiet t’eluf taʼ ħutek irġiel u nisa madwar id-dinja li qegħdin jagħmlu x-xogħol taʼ pijunier? B’dan il-mod tistaʼ tesperjenza l-istess ferħ tagħhom.