Avviżi
◼ Offerta tal-letteratura għal Settembru: Is-Sigriet Taʼ L-Hena Fil-Familja. Ottubru: Kopji individwali taʼ It-Torri Taʼ L-Għassa u Stenbaħ! bil-Malti u bl-Ingliż. Mill-aħħar parti tax-xahar ’il quddiem, se titqassam l-Aħbar Tas-Saltna Nru. 35. Novembru: Se jkompli t-tqassim taʼ l-Aħbar Tas-Saltna Nru. 35. Il-kongregazzjonijiet li jlestu t-territorju tagħhom billi jilħqu kull dar jew abitazzjoni b’kopja taʼ l-Aħbar Tas-Saltna Nru. 35 jistgħu joffru l-ktieb Għarfien. Diċembru: In-New World Translation flimkien mal-ktieb Int Tistaʼ Tgħix Għal Dejjem Fil-Ġenna Fuq L-Art.
◼ L-indokratur li jippresiedi jew xi ħadd maħtur minnu għandu jeżamina l-kontijiet tal-kongregazzjoni fl-1 taʼ Settembru jew kemm jistaʼ jkun malajr wara din id-data. Għandu jsir avviż lill-kongregazzjoni meta dan ikun seħħ.
◼ L-anzjani huma mfakkrin biex jagħmlu kif juru l-istruzzjonijiet mogħtijin f’paġni 21-3 tal-Watchtower tal-15 t’April, 1991, rigward persuni maqtugħin mis-sħubija jew diżassoċjati li jistgħu jkunu inklinati lejn li jerġgħu jiġu aċċettati.
◼ Dawk imseħbin maʼ xi kongregazzjoni għandhom jibagħtu xi abbonamenti ġodda u mġeddin fuq il-cassette għal The Watchtower u Awake!, inklużi l-abbonamenti persunali tagħhom, permezz tal-kongregazzjoni.
◼ Is-Soċjetà ma tilqax talbiet mingħand pubblikaturi individwali għal xi letteratura. L-indokratur li jippresiedi għandu jirranġa li jsir avviż kull xahar qabel ma tintbagħat lis-Soċjetà t-talba tal-kongregazzjoni taʼ kull xahar għal-letteratura sabiex dawk kollha interessati li jiksbu xi oġġetti taʼ letteratura persunali jistgħu jinformaw lill-ħu inkarigat mil-letteratura. Jekk jogħġobkom żommu f’moħħkom liema huma dawk l-oġġetti li jinkisbu fuq talba speċjali.
◼ Meta jordnaw xi letteratura, il-kongregazzjonijiet għandhom iżommu f’moħħhom li s-CD-ROM tas-Soċjetà m’għandhiex titqassam bla distinzjoni. Din hija primarjament għall-użu tal-pubblikaturi.
◼ Il-“Kaxxa Għall-Mistoqsija” taʼ Il-Ministeru Tas-Saltna taʼ Mejju 1997 tatna parir biex noqogħdu attenti dwar li naħdmu fil-ministeru maʼ pubblikaturi tas-sess oppost. Hemm raġunijiet tajbin għala lkoll kemm aħna għandna nużaw l-għaqal f’dan ir-rigward. Dan ma jfissirx li indokraturi li jivvjaġġaw jew saħansitra aħwa rġiel oħrajn ma jistgħux jaħdmu fil-ministeru taʼ l-għalqa m’aħwa nisa. Minflok, il-ħsieb kien li ma jkunx għaqli għal ħu li b’mod regulari jqattaʼ ħin waħdu maʼ l-istess persuna tas-sess oppost li ma jkunx jiġi minnha.
◼ Għandkom il-pjaċir tkunu tafu li 99 pubblikatur differenti ġew irrapportati li kienu pijunieri awżiljarji matul ix-xhur taʼ Marzu sa Mejju. X’reazzjoni taʼ min ifaħħarha għall-istedina fl-insert taʼ Il-Ministeru Tas-Saltna taʼ Frar!