Laqgħat tas-Servizz għal April
Ġimgħa li Tibda 6 t’April
10 min: Avviżi lokali. Avviżi magħżulin minn Il-Ministeru tas-Saltna. Fakkar lil kulħadd dwar il-post u l-ħin għall-osservanza tal-Mafkar nhar is-Sibt, 11 t’April. Aħbarijiet Teokratiċi.
15 min: “Il-Ministeru Tagħna—Espressjoni taʼ Mħabba Vera.” Mistoqsijiet u tweġibiet. Inkludi kummenti qosra fuq it-Torri taʼ l-Għassa taʼ l-1 taʼ Mejju, 1987, paġni 16-17, paragrafi 3-7.
20 min: “Ir-Rivisti Jħabbru s-Saltna.” Anzjan jikkunsidra l-artiklu maʼ pénil taʼ tliet jew erbaʼ pubblikaturi li huma effettivi f’li jħallu r-rivisti. Iddiskuti l-karatteristiċi li jattiraw tal-ġurnali kurrenti, billi tissuġġerixxi modi kif dawn il-punti jistgħu jintużaw fil-preżentazzjonijiet tagħna. Ikkunsidra kif it-tqassim tar-rivisti jistaʼ jiżdied fit-territorju lokali. Billi tuża ħarġiet kurrenti, ipponta lejn artikli li jqajmu interess, bħalma huma dawk li jikkonċernaw problemi soċjali, tal-familja, jew tal-komunità. Agħżel żewġ jew tliet preżentazzjonijiet qosra biex issir turija fuqhom. Kull darba qabbad lill-inkwilin jistaqsi dwar il-prezz u lill-pubblikatur isemmi l-kwistjoni taʼ donazzjonijiet għax-xogħol madwar id-dinja.
Għanja 205 u talba taʼ l-għeluq
Ġimgħa li Tibda 13 t’April
10 min: Avviżi lokali. Rapport tal-kontijiet.
15 min: Bżonnijiet lokali.
20 min: “Attendu għal-Laqgħat ‘Wisq Aktar’ Issa.” Mistoqsijiet u tweġibiet. Skond kemm jippermetti l-ħin, irrevedi t-twiddiba misjuba fil-ktieb Our Ministry, paġni 64-5. Agħti prosit mill-qalb lil kulmin jattendi għal-laqgħat regolarment.
Għanja 119 u talba taʼ l-għeluq
Ġimgħa li Tibda 20 t’April
10 min: Avviżi lokali. Spjega li m’huwiex tard wisq li wieħed jitfaʼ applikazzjoni biex jagħmel ix-xogħol taʼ pijunier awżiljarju f’Mejju.
10 min: Kaxxa għall-Mistoqsija. Taħdita minn anzjan li b’qalb tajba jipponta lejn modi speċifiċi kif jistaʼ jsir titjib lokalment.
25 min: “Jinħtieġu—Iktar Studji tal-Bibbja.” Taħdita u diskussjoni maʼ l-udjenza mogħtija mill-indokratur tas-servizz. Irrevedi l-attività lokali taʼ l-istudji tal-Bibbja. Agħti prosit fejn il-kongregazzjoni marret tajjeb. Enfasizza x’jistaʼ jsir iktar f’li jinbdew u jiġu kondotti studji tal-Bibbja, inklużi l-istudji tal-familja. Spjega paragrafu 5 billi tintervista ġenitur li hu tajjeb u regulari f’li jikkonduċi studju tal-familja. Aqra paragrafu 8, u enfasizza t-tmien punti mniżżlin. Spjega paragrafu 13 billi tistieden pubblikatur li hu effettiv f’li jikkonduċi studji biex jgħid kif inhu possibbli li tkopri l-materjal mingħajr dewmien bla bżonn. Inkludi esperjenza magħżula tajjeb li turi kif riżultati tajbin intlaħqu lokalment.
Għanja 109 u talba taʼ l-għeluq.
Ġimgħa li Tibda 27 t’April
12 min: Avviżi lokali. Ħabbar l-ismijiet taʼ dawk li se jagħmlu x-xogħol taʼ pijunier awżiljarju f’Mejju. Fisser l-arranġamenti addizzjonali li se jsiru lokalment għal-laqgħat tas-servizz. Semmi xi suġġerimenti taʼ għajnuna biex jiġu ppreparati preżentazzjonijiet li jinkludu r-rivisti kurrenti.—Ara Il-Ministeru tas-Saltna t’Ottubru 1996, paġna 8.
15 min: Kif Rgħajja Kristjani Jaqdu Lilek. Taħdita minn anzjan, ibbażata fuq it-Torri taʼ l-Għassa taʼ l-1 t’April, 1996, paġni 18-21.
18 min: Żomm Attitudni Pożittiva Meta Tippriedka f’Territorju li Jinħadem taʼ Spiss. Anzjan jiddiskuti dan il-bżonn maʼ żewġ jew tliet pubblikaturi li saru skuraġġiti minħabba r-rispons minimu f’territorju li jinħadem ripetutament. Hu jirrevedi magħhom il-Watchtower tal-15 taʼ Lulju, 1988, paġni 16-19, paragrafi 4-14. Jitkellmu b’mod ottimistiku dwar modi kif jistgħu jiġu applikati dawn is-suġġerimenti lokalment.
Għanja 191 u talba taʼ l-għeluq.