Laqgħat tas-Servizz għal Marzu
Ġimgħa li Tibda 1 taʼ Marzu
8 min: Avviżi lokali. Avviżi magħżulin minn Il-Ministeru tas-Saltna.
17 min: “Kommemorazzjoni mad-Dinja Kollha tal-Mewt taʼ Kristu.” Mistoqsijiet u tweġibiet. Inkludi xi kummenti mit-Torri taʼ l-Għassa, taʼ l-1 taʼ Frar, 1997, paġni 25-26, paragrafi 10-14. Enfasizza kif l-imħabba kbira taʼ Jehovah qanqlitu jipprovdilna l-prezz tal-fidwa.
20 min: Raġunijiet li Jġagħluna Nagħmlu x-Xogħol taʼ Pijunier Awżiljarju f’April u f’Mejju. L-indokratur tas-servizz jagħti taħdita u jiddiskuti maʼ l-udjenza, billi jħeġġeġ lil kulħadd jikkunsidra bis-serjetà x-xogħol taʼ pijunier awżiljarju. Irrevedi l-aġġustamenti fil-ħtieġa tas-sigħat għal pijunieri regulari u awżiljarji, bħalma ppreżenta Il-Ministeru tas-Saltna taʼ Jannar 1999, paġna 3. Dan l-aġġustament għandu jgħin lil ħafna iktar uħud igawdu l-privileġġ taʼ servizz full-time. Spjega kif l-apprezzament tagħna għas-sagrifiċċju taʼ Kristu jġagħalna nitħabtu f’li nippridkaw lil ħaddieħor. (2 Kor. 5:14, 15) Din is-sena l-Mafkar se jaħbat fl-ewwel jum t’April. X’inċentiv mill-aħjar biex il-pubblikaturi kollha tas-Saltna jiddedikaw ix-xahar kollu għal attività miżjuda tas-servizz! Irrevedi l-punti prinċipali magħżulin mill-inserts taʼ Il-Ministeru tas-Saltna taʼ Frar 1997 u Marzu 1998 li jittrattaw dwar is-servizz taʼ pijunier awżiljarju. Ikkunsidra xi modi li bihom tistaʼ taddatta l-iskedi pprovduti bħala eżempju. Irrevedi l-arranġamenti lokali tas-servizz, li joffru biżżejjed opportunità biex nipparteċipaw fil-ministeru m’oħrajn. Inkuraġġixxi lill-pubblikaturi biex wara l-laqgħa jiksbu applikazzjonijiet għax-xogħol taʼ pijunier awżiljarju.
Għanja 44 u talba taʼ l-għeluq.
Ġimgħa li Tibda 8 taʼ Marzu
10 min: Avviżi lokali. Rapport tal-kontijiet.
20 min: “Stedinhom Jiġu.” Mistoqsijiet u tweġibiet. Enfasizza l-bżonn li dejjem nidderieġu lil uħud ġodda li juru interess lejn il-laqgħat tal-kongregazzjoni. Agħmel turija taʼ diskussjoni maʼ persuna li turi interess, billi jintuża l-materjal fil-ktieb Għarfien, paġna 159, paragrafu 20, u paġni 161-3, paragrafi 5-8. Inkuraġġixxi lil kulħadd biex jagħmel sforz speċjali ħalli lill-istudenti tal-Bibbja u wħud oħrajn li juru interess jgħinhom jattendu l-Mafkar fl-1 t’April. Uri kopja taʼ invit stampat, u spjega kif jistaʼ jintuża b’mod effettiv. Kulħadd għandu jibda jqassam l-inviti tal-Mafkar minn din il-ġimgħa.
15 min: “Kif il-Membri tal-Familja Jikkooperaw għal Sehem Sħiħ—Fil-Laqgħat tal-Kongregazzjoni.” Diskussjoni bejn grupp taʼ familja. Hekk kif jikkummentaw fuq il-punti prinċipali fl-artiklu, jiddiskutu kif jistgħu jippreparaw għal-laqgħat bħala familja. Jiddiskutu modi kif jistgħu jgħinu lil xulxin jipparteċipaw u x’irid isir biex il-familja tasal għal-laqgħat fil-ħin.
Għanja 62 u talba taʼ l-għeluq.
Ġimgħa li Tibda 15 taʼ Marzu
10 min: Avviżi lokali.
15 min: “Il-Qaddejja Ministerjali Jagħtu Servizz Prezzjuż.” Taħdita minn qaddej ministerjali kapaċi. Irrevedi l-punti prinċipali li jkopri l-ktieb Our Ministry, paġni 57-9. Spjega kif il-qaddejja ministerjali jintużaw lokalment biex jgħinu lill-kongregazzjoni.
20 min: Ingawdu n-1999 Yearbook. Diskussjoni bejn raġel u martu. Ir-raġel jispjega li l-ewwel darba li l-Yearbook ippubblikawh f’għamla taʼ ktieb kienet fl-1927 u li għal iktar minn 70 sena, dan inkluda r-rapport tax-Xhieda taʼ Jehovah mad-dinja kollha. Jirrevedu l-punti prinċipali tan-“1998 Grand Totals,” f’paġna 31. Imbagħad jiddiskutu “A Letter From the Governing Body,” f’paġni 3-5, u jikkummentaw fuq kif se jwieġbu għall-inkuraġġiment li ngħataw.
Għanja 68 u talba taʼ l-għeluq.
Ġimgħa li Tibda 22 taʼ Marzu
10 min: Avviżi lokali. Agħmel avviż dwar l-ismijiet taʼ dawk li se jieħdu sehem fix-xogħol taʼ pijunier awżiljarju f’April. Spjega li m’huwiex tard wisq biex jagħtu l-applikazzjoni. Spjega fuq fuq l-iskeda sħiħa tal-laqgħat għas-servizz ippjanat matul April. Inkuraġġixxi lil kulħadd isegwi l-iskeda tal-qari tal-Bibbja għall-Mafkar mis-27 taʼ Marzu sa l-1 t’April, bħalma hu mniżżel f’Neżaminaw l-Iskrittura Kuljum—1999 u fin-1999 Calendar.
15 min: Ipprepara għall-Mafkar. Taħdita. Kulħadd għandu jagħmel pjanijiet biex lill-istudenti tal-Bibbja u lil oħrajn li juru interess jgħinhom jattendu għall-Mafkar. Uħud ġodda li jattendu għandhom mnejn ma jifhmux min jistaʼ jieħu sehem mill-emblemi jew is-sinjifikat taʼ din l-osservanza. Irrevedi dak li ntqal fil-Watchtower, taʼ l-1 t’April, 1996, paġni 6-8, u uri kif nistgħu ngħinu lil xi ħadd ġdid li juri interess, jifhem is-sinjifikat u l-iskop taʼ din iċ-ċelebrazzjoni. Ikkonkludi billi tirrevedi “Tfakkiriet għall-Mafkar” u semmi fuq fuq l-arranġamenti lokali għall-Mafkar.
20 min: X’Jiġrilna meta Mmutu? Anzjan jiddiskuti l-valur u l-użu tal-browxer maʼ żewġ pubblikaturi kapaċi jew tlieta. Sirna iktar midħla taʼ dan il-browxer meta studjajnieh fl-Istudju tal-Ktieb tal-Kongregazzjoni. Qegħdin nużawh b’mod effettiv fis-servizz taʼ l-għalqa? Il-penil jiddiskuti dan li ġej: Għala ħafna nies jinteressaw ruħhom f’dan is-suġġett? B’kuntrast maʼ tagħlim reliġjuż li huwa falz, dan il-browxer liema tama jenfasizza? Kif nistgħu nużaw il-mistoqsijiet fuq il-qoxra taʼ wara biex inqanqlu l-interess? Liema opportunitajiet jeżistu biex noffru dan il-browxer? Agħmel turija taʼ preżentazzjoni billi jintużaw l-iskritturi f’paragrafu 14 f’paġna 27. Inkuraġġixxi lil kulħadd biex joqgħod b’sebaʼ għajnejn ħalli juża tajjeb dan il-browxer.
Għanja 92 u talba taʼ l-għeluq.
Ġimgħa li Tibda 29 taʼ Marzu
12 min: Avviżi lokali. Fakkar lil kulħadd biex jitfaʼ r-rapport tiegħu tas-servizz taʼ l-għalqa għal Marzu. Se noffru It-Torri taʼ l-Għassa u Stenbaħ! matul April. Uri l-ħarġiet kurrenti tar-rivisti, issuġġerixxi xi artikli li nistgħu niġbdu l-attenzjoni lejhom, u semmi xi punti speċifiċi li bihom nistgħu nibdew diskussjoni. Kulħadd għandu jġorr il-browxer X’Jirrikjedi u jużah biex jibda studji tal-Bibbja maʼ nies li juru interess.
15 min: Bżonnijiet lokali.
18 min: Kif Għandna Nirreaġixxu għall-Pariri? Taħdita minn anzjan. Ilkoll kemm aħna ningħataw pariri li għandhom x’jaqsmu maʼ l-attitudni, il-kondotta, is-sħubijiet, jew il-parteċipazzjoni tagħna fl-attivitajiet tal-kongregazzjoni. Xi kultant inkunu inklinati li nirreżistu l-pariri jew li nieħdu għalina. Jekk inkunux lesti li naċċettaw u napplikaw il-pariri jew le jistaʼ jkun kruċjali għall-benesseri spiritwali tagħna. Irrevedi xi fatturi essenzjali li jenfasizzaw ir-raġunijiet għala għandna naċċettaw u napprezzaw il-pariri.—Ara l-Watchtower, taʼ l-1 t’April, 1987, paġni 27-30.
Għanja 118 u talba taʼ l-għeluq.