Programm Ġdid għall-​Jum t’Assemblea Speċjali

Il-​programm għall-​jum t’assemblea speċjali li jibda f’Settembru 1999 għandu bħala t-​tema tiegħu: “Ngħarblu l-​Affarijiet Profondi t’Alla.” (1 Kor. 2:10) Liema affarijiet prezzjużi se nitgħallmu?

Fit-tfittxija tagħhom għall-​għarfien, ħafna nies ma jiħdux serħan minn dak li jsibu. Il-​Bibbja ssaħħaħna, kif se jintwera mill-​indokratur tas-​circuit fil-​parti tiegħu intitolata “Billi Nfittxu fil-​Kelma t’Alla se Nsibu s-​Serħan.” Il-​kelliemi li se jkun qed iżurna se jagħmel il-​konnessjoni bejn li ngħarblu l-​affarijiet profondi t’Alla u li nippridkaw l-​aħbar tajba hekk kif iwieġeb il-​mistoqsija “Kif Tqisu l-​Ippridkar tas-​Saltna?”

Il-ġenituri kif jistgħu jgħinu lil uliedhom iħaffru fil-​fond fil-​Kelma t’Alla? Se jiġu provduti suġġerimenti prattiċi fil-​parti “Naqqax il-​Kelma t’Alla f’Uliedek.” Iż-​żgħażagħ Kristjani huma influwenzati b’mod bnin minn sħubija maʼ wħud fil-​kongregazzjoni li huma maturi spiritwalment. Eżempji taʼ kif jiġu effettwati favorevolment se jkunu enfasizzati fil-​parti “Żgħażagħ li Jitgħallmu minn Uħud Akbar.”

Għala għandna nfittxu b’mod ħabrieki għal teżor spiritwali moħbi f’dan iż-​żmien? Jehovah hu Wieħed li jikxef is-​sigrieti. Il-​kelliemi li se jkun qed iżurna se jispjega dak li Jehovah kixef fl-​antik u fi żmienna fit-​taħdita “Jehovah Jikxef Progressivament l-​Affarijiet Profondi.” Dan se jsaħħilna d-​determinazzjoni tagħna biex inkomplu “ngħarblu l-​affarijiet profondi t’Alla.”

Ippjana minn issa biex tattendi. Dawk li jixtiequ jissimbolizzaw id-​dedikazzjoni tagħhom lil Jehovah bil-​magħmudija għandhom jinformaw lill-​indokratur li jippresiedi mill-​iktar fis possibbli. Ix-​xewqa ħerqana tagħna li nfittxu bir-​reqqa fil-​Kelma t’Alla se tissaħħaħ b’dak li nisimgħu. Mela titlifx dan il-​jum speċjali taʼ istruzzjoni spiritwali!