Programm Ġdid għall-​Assemblea tas-​Circuit

“Ħares il-​Kmandamenti t’Alla u Għix” hija t-​tema tal-​programm taʼ jumejn għall-​assemblea tas-​circuit li jibda f’Settembru. (Prov. 4:4) Dan se jenfasizza għala l-​ubbidjenza tagħna lejn il-​kmandi t’Alla m’hijiex tagħbija tqila. Iktar minn hekk, se juri kif li nagħmlu r-​rieda t’Alla se jġib iffriskar u hena veru kif ukoll tama għall-​futur.​—Mt. 11:​28-30; Ġw. 13:17.

Dawk li biex jobdu l-​kmand taʼ Kristu jixtiequ jitgħammdu fl-​assemblea għandhom jitkellmu maʼ l-​indokratur li jippresiedi, u hu se jagħmel l-​arranġamenti li jkun hemm bżonn.​—Mt. 28:​19, 20.

Simposju se jispjega modi prattiċi li bihom nistgħu nuru l-​imħabba għal Alla u għal ħutna. (Ġw. 13:​34, 35; 1 Ġw. 5:3) Pariri li jqanqlu l-​qalb minn Salmi 19 u 119 se jkunu inklużi fil-​programm. Għalkemm it-​twissija ispirata f’dawn is-​salmi nkitbet eluf taʼ snin ilu, se naraw kif inhi taʼ benefiċċju għalina personalment illum.

It-taħdita pubblika li se tingħata mill-​indokratur tad-​distrett hija intitolata “Ibżaʼ minn Alla u Ħares il-​Kmandamenti Tiegħu.” (Ekkl. 12:​13, Karm Żammit) It-​taħdita finali taʼ l-​indokratur tas-​circuit se turi kif iż-​żgħażagħ jistgħu jieħdu l-​aħjar mill-​ħajja issa u għala jistgħu jkunu fiduċjużi f’futur taʼ dejjem. L-​indokratur tad-​distrett jikkonkludi l-​programm billi jinnumera l-​ħafna benefiċċji li jiġu milli ngħixu maʼ “l-​aqwa liġi” taʼ l-​imħabba. (Ġak. 2:8) Tabilħaqq, dan huwa programm għall-​assemblea li ħadd ma se jkun irid jitilfu!