Programm Ġdid Taʼ L-​Assemblea Tas-​Circuit

“Inżommu Qrib F’Moħħna L-​Jum Taʼ Jehovah” hija t-​tema tal-​programm taʼ jumejn taʼ l-​assemblea tas-​circuit li se jibda minn Settembru. (2 Piet. 3:​12) Hija maħsuba biex tqajjem is-​sens tagħna t’urġenza. L-​abitanti taʼ l-​art dalwaqt se jesperjenzaw il-​ġudizzji taʼ Jehovah. Min se jsalva fil-​“Jum il-​kbir taʼ Alla li jistaʼ kollox?” Dawk biss li jibqgħu mqajmin spiritwalment u li jistabbilixxu mod taʼ ħajja ‘qaddis u tajjeb.’​—Apok. 16:14; 2 Piet. 3:​11.

Il-magħmudija hija essenzjali biex wieħed isalva fil-​jum taʼ Jehovah. (1 Piet. 3:​21) Dawk il-​pubblikaturi li jixtiequ jitgħamm­du fl-​assemblea għandhom jgħidu lill-​indokratur li jippresiedi, li min-​naħa tiegħu jagħmel l-​arranġamenti meħtieġa.

Simposju maqsum f’erbaʼ partijiet, “X’Tip Taʼ Persuni Għand­na Nkunu,” se juri biċ-​ċar liema azzjonijiet huma involuti biex inżommu qrib f’moħħna l-​preżenza tal-​jum taʼ Jehovah. It-​taħdita pubblika, “Aġixxi Bil-​Għaqal Hekk Kif Joqrob Il-​Jum Taʼ Jehovah,” se tispjega x’ifisser li ‘nfittxu ’l Mulej, il-​ġustizzja, u l-​umiltà,’ sabiex insalvaw.​—Sof. 2:3.

L-assemblea tas-​circuit se tintemm b’żewġ taħditiet li jimmotivaw u li se jingħataw mill-​indokraturi li jivvjaġġaw: “Hija Ħajtek Iċċentrata Madwar Il-​Verità?” u “Nippjanaw Minn Qabel Bil-​Jum Taʼ Jehovah F’Moħħna.” Dawn it-​taħditiet se jqanqluna biex neżaminaw ħajjitna u nagħmlu l-​bidliet li hemm bżonn. Il-​profezija Biblika u l-​ġrajjiet dinjin jindikaw biċ-​ċar li l-​jum taʼ Jehovah hu fil-​qrib. Dan il-​programm taʼ l-​assemblea se jinkuraġġina biex ‘inkunu meqjusa u ngħassu.’ (1 Piet. 5:8) Agħmel pjanijiet definiti biex tattendi l-​jumejn kollha.