Programm Ġdid Għall-​Assemblea Tas-​Circuit

¹ Il-​programm ġdid għall-​assemblea tas-​circuit minn Settembru li ġej se jiżviluppa t-​tema “Esperjenza L-​Hena Akbar F’Li Tagħti.” (Atti 20:35) L-​hena huwa deskritt bħala “stat taʼ benesseri u kuntentizza.” Il-​biċċa l-​kbira tan-​nies illum jaħtfu l-​gost kollu li jistgħu mill-​ħajja u, meta jagħmlu hekk, taʼ spiss ikun għal ftit żmien. Dak m’huwiex hena veru. Madankollu, Jehovah jgħallimna kif nibbenefikaw lilna nfusna għal dejjem. (Isa. 48:17; 1 Ġwn. 2:17) Il-​programm ġdid taʼ l-​assemblea tas-​circuit se jenfasizza kif nistgħu niksbu hena akbar billi nagħtu b’mod spiritwali.

² Se nitgħallmu modi prattiċi fejn nistgħu nagħtu minna nfusna fil-​ministeru. Xi ftit mit-​taħditiet li se jingħataw mill-​indokraturi li jivvjaġġaw huma intitolati: “Nagħmlu Ħbieb Permezz Taʼ Rikkezzi Mhux Taʼ Tjieba,” “Irrispetta L-​Provvediment Divin Taʼ ‘Għotjiet Fi Rġiel,’” u “Esperjenza L-​Ħafna Aspetti Tal-​Veru Hena.” Dawk li jixtiequ jitgħammdu fl-​assemblea għandhom jitkellmu maʼ l-​indokratur li jippresiedi sabiex ikun jistaʼ jagħmel arranġamenti ħalli l-​anzjani jirrevedu magħhom il-​mistoqsijiet tal-​magħmudija. Li jaqdu lil Jehovah f’relazzjoni nadifa se jġib hena kbir lill-​uħud mgħammdin ġodda.

³ Li wieħed jirrikonoxxi b’mod xieraq l-​awtorità taʼ Jehovah ukoll iġib hena u sigurtà veri. Kulħadd jeħtieġ li jkun jaf dan. B’hekk, it-​taħdita pubblika fl-​assemblea tas-​circuit se tiżviluppa t-​tema “Ingħaqad Mal-​Poplu Hieni t’Alla.” Kun ċert li tistieden lil dawk kollha li wrew interess fil-​verità biex jiġu għal din it-​taħdita. Huma ma sabux sigurtà ġenwina u hena dejjiemi taħt il-​ħakma umana f’din id-​dinja, li qiegħda taħt il-​qawwa taʼ Satana. (Ekkl. 8:9) Imma x’ferħ se jsibu f’li jkunu mseħbin mal-​poplu hieni taʼ Jehovah!​—Salm 144:15b.

⁴ Minkejja kundizzjonijiet li dejjem sejrin għall-​agħar f’din is-​sistema t’affarijiet, dawk li jesperjenzaw l-​hena akbar f’li jagħtu spiritwalment qatt ma se jiġu ddiżappuntati minn dak Alla hieni. (1 Tim. 1:​11) Il-​programm ġdid taʼ l-​assemblea tas-​circuit se juri li dan huwa veru. Titilfuhx!