Avviżi
◼ Offerta taʼ letteratura għal Ottubru: Kopji individwali taʼ It-Torri taʼ l-Għassa u Stenbaħ! Novembru: Alla X’Jirrikjedi Minna? jew Għarfien Li Jwassal Għall-Ħajja Taʼ Dejjem. Diċembru: Għarfien Li Jwassal Għall-Ħajja Taʼ Dejjem flimkien man-New World Translation. Jannar: Kwalunkwe ktieb taʼ 192 paġna pubblikat qabel l-1986 li l-kongregazzjoni jistaʼ jkollha maħżun. Il-kongregazzjonijiet li m’għandhomx provvista taʼ kotba bħal dawn jistgħu joffru Int Tistaʼ Tgħix Għal Dejjem Fil-Ġenna Fuq L-Art.
◼ L-insert f’din il-ħarġa taʼ Il-Ministeru tas-Saltna huwa l-“iSkeda taʼ l-Iskola tal-Ministeru Teokratiku għall-2000.” Din għandha tinżamm bħala referenza għal matul l-2000.
◼ Jekk il-ħinijiet tal-laqgħat għall-kongregazzjoni tiegħek se jinbidlu mill-1 taʼ Jannar, jistaʼ jkun hemm bżonn li tiġi ordnata provvista ġdida taʼ volantini biex juru l-ħinijiet ġodda tal-laqgħat.
◼ L-inviti tal-Mafkar għall-2000 fil-lingwa prinċipali taʼ kull kongregazzjoni ġew inklużi mal-formoli li jintbagħtu bil-baħar kull sena.
◼ Il-kongregazzjonijiet għandhom jibdew jordnaw in-Neżaminaw l-Iskrittura Kuljum—2000 flimkien maʼ l-ordni tagħhom tal-letteratura għal Ottubru. Din il-pubblikazzjoni se tkun disponibbli bl-Albaniż, bil-Bulgaru, biċ-Ċiniż, biċ-Ċiniż (Simplifikat), bid-Daniż, bil-Franċiż, bil-Ġermaniż, bl-Għarbi, bl-Ingliż, bil-Malti, bl-Olandiż, bir-Russu, u bit-Taljan. Sakemm din il-pubblikazzjoni tkun disponibbli u tintbagħat bil-baħar, se tkun tidher bħala “Pending” fuq il-listi taʼ l-ippakkjar tal-kongregazzjoni. Il-ktejjeb Neżaminaw l-Iskrittura Kuljum huwa oġġett li jinkiseb b’ordni speċjali.
◼ B’seħħ mill-ħarġa taʼ l-1 taʼ Settembru, 1999, It-Torri taʼ l-Għassa se jkun disponibbli bl-Armenjan bħala edizzjoni taʼ darbtejn fix-xahar.