Reviżjoni taʼ l-​Iskola tal-​Ministeru Teokratiku

Reviżjoni mingħajr l-​użu tal-​kotba fuq il-​materjal mgħoddi fl-​inkarigi taʼ l-​Iskola tal-​Ministeru Teokratiku għall-​ġimgħat mill-​1 taʼ Mejju sal-​21 t’Awissu, 2000. Uża karta separata biex tikteb it-​tweġibiet tal-​mistoqsijiet skond kemm tilħaq fil-​ħin assenjat.

[Nota: Matul ir-​reviżjoni bil-​kitba, il-​Bibbja biss tistaʼ tintuża biex twieġeb kwalunkwe mistoqsija. Ir-​referenzi li ssib wara l-​mistoqsijiet huma għar-​riċerka persunali tiegħek. Jistaʼ jkun li n-​numru tal-​paġna u tal-​paragrafu ma jidhrux fir-​referenzi kollha għal It-​Torri taʼ l-​Għassa.]

Wieġeb kull waħda mill-​istqarrijiet li ġejjin Veru jew Falz:

1. It-​tweġiba taʼ Gidgħon għall-​attakk verbali mhux ġustifikat taʼ l-​irġiel taʼ Efrajm irriflettiet il-​ħlewwa u l-​umiltà tiegħu, u b’hekk warrab il-​kritika inġusta tagħhom u żamm il-​paċi. (Mħ. 8:​1-3) [Qari mill-​Bibbja taʼ kull ġimgħa]

2. Għalkemm Manuħa qal “rajna lil Alla,” fir-​realtà hu u martu raw il-​kelliemi persunali t’Alla materjalizzat u mhux lil Jehovah nnifsu. (Mħ. 13:22) [Qari mill-​Bibbja taʼ kull ġimgħa; ara w88 5/15 pġ. 23 par. 3.]

3. Fi Mħallfin 5:​31, l-​espressjoni “dawk li jħobbuk” tirreferi b’mod profetiku għall-​144,000 werriet tas-​Saltna. [si pġ. 50 par. 28]

4. L-​ebda fdalijiet tal-​ktieb taʼ Rut ma nstabu fost l-​Iskrolli tal-​Baħar il-​Mejjet. [si pġ. 51 par. 3]

5. Mħallfin 21:25 jirreferi għal perijodu taʼ żmien meta Jehovah ħalla lill-​ġens taʼ Iżrael mingħajr ebda gwida. [Qari mill-​Bibbja taʼ kull ġimgħa; ara w-MT95 7/1 pġ. 15 par. 16.]

6. Il-​figuri tal-​kerubini fuq l-​arka tal-​patt indikaw il-​preżenza rjali taʼ Jehovah, li ntqal li “qiegħed fuq [jew, bejn] il-​kerubini.” (1 Sam. 4:4) [Qari mill-​Bibbja taʼ kull ġimgħa; ara w80 11/1 pġ. 29 par. 2.]

7. Meta s-​suldati taʼ Sawl kielu d-​demm waqt li kienu f’sitwazzjoni diffiċli u ma ġewx kastigati, dan wera li jistaʼ jkun hemm raġunijiet ġustifikati meta wieħed ma jagħtix kas il-​liġi divina għal ftit żmien biex jibqaʼ ħaj. (1 Sam. 14:​24-35) [Qari mill-​Bibbja taʼ kull ġimgħa; ara w94 4/15 pġ. 31 pari. 7-9.]

8. Għalkemm xi wħud jassoċjaw il-​kelma “persważjoni” maʼ manipulazzjoni u makakkerija, din tistaʼ tintuża f’sens pożittiv biex tagħti l-​idea taʼ li tikkonvinċi u tbiddel il-​ħsieb tal-​moħħ permezz taʼ raġunar sod u loġiku. (2 Tim. 3:​14, 15) [w-MT98 5/15 pġ. 21 par. 4]

9. Is-​“sorra [jew, ħorġa] tal-​ħajja” tirreferi għal provvediment divin taʼ protezzjoni u ppreservar, li David setaʼ jibbenefika minnu jekk kemm-il darba kien se jevita li jsir ħati tad-​demm f’għajnejn Alla. (1 Sam. 25:29) [Qari mill-​Bibbja taʼ kull ġimgħa; ara w-MT91 9/15 pġ. 12 par. 3.]

10. Il-​patt tas-​Saltna taʼ David, li jirreferi għalih it-​2 Samwel 7:​16, illimita l-​linja taż-​Żerriegħa li kellha twassal għall-​Messija u kien garanzija legali li xi ħadd fil-​linja taʼ David kellu jaħkem “għal dejjem.” [Qari mill-​Bibbja taʼ kull ġimgħa; ara w-MT89 5/1 pġ. 8 pari. 21, 22.]

Wieġeb il-​mistoqsijiet li ġejjin:

11. Liema assiguranza jipprovdi Salm 34:19 [34:​18, NW]? [w-MT98 4/1 pġ. 31 par. 2]

12. X’inhu indikat mill-​fatt li Ġużeppi ngħata l-​laqam Barnaba? (Atti 4:36) [w-MT98 4/15 pġ. 20 par. 3, ntt.]

13. Ir-​rakkont Bibliku għala jgħid li Għeli baqaʼ jirrispetta lil uliedu iktar milli kien jirrispetta lil Jehovah? (1 Sam. 2:​12, 22-24, 29) [Qari mill-​Bibbja taʼ kull ġimgħa; ara w-MT96 10/1 pġ. 11 par. 14.]

14. Il-​ktieb taʼ Rut għala għandu jsaħħilna l-​fiduċja tagħna fil-​wegħdi tas-​Saltna? [si pġ. 53 par. 10]

15. Skond l-​1 Samwel 1:​1-7, liema eżempju mill-​aħjar stabbiliet il-​familja taʼ Samwel? [Qari mill-​Bibbja taʼ kull ġimgħa; ara w-MT98 3/1 pġ. 16 par. 12.]

16. F’liema sens jistaʼ jintqal li ‘l-​għana hu qarrieq’? (Mt. 13:​22, Karm Żammit) [w-MT98 5/15 pġ. 5 par. 1]

17. Ġonatan, li kien akbar fl-​età, kif irrikonoxxa lil David bħala l-​wieħed midluk taʼ Jehovah, u dan x’jirrappreżenta llum? (1 Sam. 18:​1, 3, 4) [Qari mill-​Bibbja taʼ kull ġimgħa; ara w-MT89 4/1 pġi. 13, 14 pari. 4, 13.]

18. Għalkemm kien “raġel bla ħtija u rett,” kif il-​ktieb taʼ Ġob jindika li dan ma jfissirx li Ġob kien perfett? (Ġob 1:​8, NW) [w-MT98 5/1 pġ. 31 par. 1]

19. X’jiġifieri li nistinkaw b’mod vigoruż? (Lq. 13:24) [w-MT98 6/15 pġ. 31 pari. 1, 4]

20. Hekk kif naħdmu flimkien m’oħrajn, liema lezzjoni taʼ valur nistgħu ngħożżu, kif dokumentata fit-​2 Samwel 12:​26-28? [Qari mill-​Bibbja taʼ kull ġimgħa; ara l-​browxer t’artikli taʼ studju li ħareġ fl-​1993, pġ. 60 par. 19.]

Ipprovdi l-​kelma (kliem) jew frażi meħtieġa biex titkompla kull waħda mill-​istqarrijiet li ġejjin:

21. Il-kundanna ħarxa taʼ Jehovah lejn il-​qima taʼ Bagħal għandha ġġagħalna nżommu ’l bogħod minn dak kollu li fi żmienna għandu x’jaqsam mal-​․․․․․․․․, ․․․․․․․․, u ․․․․․․․․. (Mħ. 2:​11-18) [si pġ. 50 par. 26]

22. Kien fi żmien Samwel li spiċċat l-​era taʼ ․․․․․․․․ u bdiet l-​era tas-​․․․․․․․․ li matulha Iżrael fl-​aħħar tilef il-​favur taʼ Jehovah. [si pġ. 53 par. 1]

23. L-​isem divin, Jehovah, ifisser “․․․․․․․․” u jimplika li Jehovah jistaʼ jbiddel l-​irwol skond kif inhu meħtieġ sabiex iwettaq ․․․․․․․․ tiegħu. [w-MT98 5/1 pġ. 5 par. 3]

24. Kemm Għeli u kemm Sawl kienu naqsu billi l-​ewwel wieħed ․․․․․․․․ li jaġixxi u t-​tieni wieħed aġixxa ․․․․․․․․. [si pġ. 57 par. 27]

25. Il-​parabbola taʼ Ġesù dwar is-​Samaritan taʼ qalbu tajba turi li individwu verament rett huwa wieħed li mhux biss jobdi ․․․․․․․․ t’Alla imma jimita ․․․․․․․․ tiegħu wkoll. (Lq. 10:​29-37) [w-MT98 7/1 pġ. 31 par. 2]

Agħżel it-​tweġiba korretta f’kull waħda mill-​istqarrijiet li ġejjin:

26. Il-kwalità taʼ (l-għerf; il-​qawwa; l-​imħabba) taʼ Jehovah tidher kemm hi bla limitu mill-​għażla tiegħu tal-​Mowabija (Rut; Nagħomi; Għorfa), li qabel kienet tqim lil (Bagħal; Kemos; Dagon), u li kkonvertiet għar-​reliġjon vera u saret antenata taʼ Ġesù Kristu. (Mt. 1:​3, 5, 16) [si pġ. 51 par. 1]

27. L-​era f’Iżrael tal-​ħakma mill-​imħallfin spiċċat meta (Samwel; David; Sawl) ġie midluk bħala sultan u ftit wara għeleb lill-​(Għammonin; Mowabin; Filistin) bl-​appoġġ taʼ Jehovah. (1 Sam. 11:​6, 11) [Qari mill-​Bibbja taʼ kull ġimgħa; ara w95 12/15 pġ. 9 par. 2–​pġ. 10 par. 1.]

28. Timotju rċieva l-​edukazzjoni fil-​“Kotba Mqaddsa” (mill-appostlu Pawlu; minn missieru; minn ommu u nanntu) sakemm fl-​aħħar sar missjunarju u indokratur eċċellenti. (2 Tim. 3:​14, 15; Flp. 2:​19-22) [w-MT98 5/15 pġ. 8 par. 3–pġ. 9 par. 5]

29. Il-​ministeru taʼ (David; Samwel; Ġonatan) matul żgħożitu għandu jinkuraġġixxi liż-​żgħażagħ biex ikollhom sehem sħiħ fil-​ministeru llum, u l-​fatt li baqaʼ jagħmel dan sa tmiem ħajtu mingħajr ma rtira għandu jkun t’appoġġ għal dawk għajjenin minħabba l-​età. [si pġ. 58 par. 30]

30. Il-​perijodu li jkopri t-​2 Samwel hu mill-​(1077 sa madwar 1040; 1077 sa madwar 1037; 1070 sa madwar 1040) Q.E.K. [si pġ. 59 par. 3]

Qabbel l-​iskritturi li ġejjin maʼ l-​istqarrijiet miktubin taħt:

Mħ. 11:​30, 31; 1 Sam. 15:22; 30:​24, 25; 2 Slat. 6:​15-17; Ġak. 5:11

31. Jehovah jipprovdi l-​assiguranza li hu se juża l-​armati tiegħu tas-​sema biex jipproteġi lill-​poplu tiegħu skond ir-​rieda tiegħu. [w-MT98 4/15 pġ. 29 par. 5]

32. L-​indokraturi fil-​kongregazzjoni għandhom ir-​responsabbiltà li jimxu skond il-​ftehim li jagħmlu anki jekk xi drabi dan ikun taʼ wġigħ u jiswielhom ħafna. [w-MT99 9/15 pġ. 10 pari. 3-4]

33. Li nżommu l-​integrità taħt xi prova jwassal għal premju kbir mingħand Alla Jehovah. [w-MT98 5/1 pġ. 31 par. 4]

34. L-​imħabba ġenwina lejn Alla titlob ubbidjenza lejn ordnijiet divini u mhux biss li noffrulu sagrifiċċji. [Qari mill-​Bibbja taʼ kull ġimgħa; ara w96 6/15 pġ. 5 par. 1.]

35. Jehovah juri apprezzament profond lejn dawk li l-​irwol tagħhom fl-​organizzazzjoni tiegħu llum hu li jagħtu appoġġ. [Qari mill-​Bibbja taʼ kull ġimgħa; ara w86 9/1 pġ. 28 par. 4.]