Avviżi
◼ Offerta taʼ letteratura għal Novembru: Ikompli t-tqassim taʼ l-Aħbar tas-Saltna Nru. 36. Il-kongregazzjonijiet li jlestu t-territorju tagħhom billi jilħqu lill-inkwilini f’kull dar u abitazzjoni b’kopja taʼ l-Aħbar tas-Saltna Nru. 36 jistgħu joffru l-browxer X’Jirrikjedi jew il-ktieb Għarfien. Jekk in-nies diġà għandhom minnhom, jistaʼ jintuża l-ktieb Tistaʼ Tgħix Għal Dejjem jew il-ktieb Il-Verità. Diċembru: Għarfien Li Jwassal Għall-Ħajja Taʼ Dejjem flimkien man-New World Translation. Jannar: Is-Sigriet Taʼ L-Hena Fil-Familja. Frar: Il-Ktieb Tiegħi taʼ Stejjer mill-Bibbja.
◼ Wara li titlesta l-kampanja taʼ l-Aħbar tas-Saltna, il-kongregazzjonijiet li jkun għad baqgħalhom provvista taʼ l-Aħbar tas-Saltna Nru. 36 jistgħu jinkuraġġixxu lill-pubblikaturi biex joffruhom bl-istess mod li jintużaw il-fuljetti, kemm minn bieb għal bieb u kemm xi mkien ieħor. Jekk ikun għaqli, il-pubblikaturi jistgħu jħallu waħda f’kull dar fejn ma jsibu ’l ħadd, filwaqt li jkunu ċerti li ma tkunx tidher min-nies. Għandhom isiru sforzi biex jitqassmu l-kopji kollha li jkun għad fadal taʼ dan il-messaġġ importanti.
◼ L-indokratur li jippresiedi jew xi ħadd imqabbad minnu għandu jawditja l-kontijiet tal-kongregazzjoni fl-1 taʼ Diċembru jew mill-iktar fis possibbli wara din id-data. Meta dan isir, agħmel avviż lill-kongregazzjoni wara li jinqara r-rapport tal-kontijiet li jmiss.
◼ Il-kongregazzjonijiet għandhom jibdew jordnaw il-ktieb 2001 Yearbook of Jehovah’s Witnesses maʼ l-ordni tagħhom tal-letteratura għal Novembru. Il-Yearbook se jkun disponibbli bl-Albaniż, biċ-Ċek, biċ-Ċiniż, bid-Daniż, bil-Finlandiż, bil-Franċiż, bil-Ġappuniż, bil-Ġermaniż, bil-Grieg, bl-Għarbi, bl-Ingliż, bl-Ispanjol, bl-Isvediż, bil-Korean, bil-Kroat, bin-Norveġiż, bl-Olandiż, bil-Pollakk, bil-Portugiż, bir-Rumen, bir-Russu, bis-Serbjan, bis-Slovakk, bit-Taljan, u bl-Ungeriż. Sakemm ikun disponibbli l-Yearbook u jsiru l-konsenji, dan se jidher bħala “Pending” fuq il-listi taʼ l-ippakkjar tal-kongregazzjonijiet. Il-Yearbooks huma kotba li jinkisbu b’ordni speċjali.