Skeda għal-Laqgħat tas-Servizz
Ġimgħa li Tibda 13 taʼ Novembru
10 min: Avviżi lokali. Avviżi magħżulin minn Il-Ministeru tas-Saltna.
13 min: “Is-Servizz f’Betel—Hemm Bżonn taʼ Volontiera li Lesti li Jaqdu Fih.” Diskussjoni f’għamla taʼ mistoqsija u tweġiba minn anzjan. Inkuraġġixxi lil kulmin jistaʼ jagħmel il-wisaʼ għal dan il-privileġġ biex jikkunsidrah bis-serjetà u bit-talb.
22 min: “Kif Nikkultivaw l-Interess li Ntwera Permezz taʼ l-Aħbar tas-Saltna Nru. 36.” Diskussjoni f’għamla taʼ mistoqsija u tweġiba taʼ paragrafi 1-5. Semmi l-arranġamenti lokali sabiex jintlaħaq kwalunkwe territorju li għadu ma nħadimx. Irrevedi l-preżentazzjonijiet f’paragrafi 7 u 8 biex isiru ż-żjajjar lura, u ħejji turija taʼ kull suġġeriment. Enfasizza l-importanza li mmorru lura kulfejn sibna interess u li nħabirku biex nibdew studji tal-Bibbja. Ikkonkludi billi tiddiskuti paragrafu 9 u l-iskritturi ċitati.
Għanja 63 u talba taʼ l-għeluq.
Ġimgħa li Tibda 20 taʼ Novembru
10 min: Avviżi lokali. Rapport tal-kontijiet.
15 min: Esperjenzi mit-Tqassim taʼ l-Aħbar tas-Saltna Nru. 36. Irrapporta s-suċċess li kien hemm f’li jintlaħaq it-territorju. Kien hemm xi ħadd fil-kongregazzjoni li ħa sehem fis-servizz għall-ewwel darba? Irrakkonta xi kummenti favorevoli li għamlu l-inkwilini. Kien hemm xi pubblikaturi li rnexxielhom jibdew studji tal-Bibbja? Jekk iva, għidilhom jispjegaw jew jirreċtaw kif għamlu dan. Fakkar lil kulħadd biex jikkultiva l-interess li jkun sab.
20 min: “Ibqgħu Ppridkaw!” Taħdita u intervista. Xi wħud ilhom ħajjithom kollha jassoċjaw maʼ l-organizzazzjoni taʼ Jehovah u ppersistew fix-xogħol taʼ l-ippridkar. B’attitudni pożittiva huma sabu l-ferħ f’li jagħmlu dan. (Ara l-ktieb Għarfien, paġna 179, paragrafu 20, u t-Torri taʼ l-Għassa taʼ l-1 t’Awissu, 1992, paġni 14-15, paragrafi 14-15.) Stieden lil pubblikatur li ilu attiv għal ħafna snin biex jirrakkonta r-raġunijiet għala ppersista fix-xogħol taʼ l-ippridkar.
Għanja 141 u talba taʼ l-għeluq.
Ġimgħa li Tibda 27 taʼ Novembru
10 min: Avviżi lokali. Fakkar lill-pubblikaturi biex jitfgħu r-rapport tas-servizz taʼ l-għalqa għal Novembru. L-offerta taʼ letteratura għal Diċembru hi l-ktieb Għarfien flimkien man-New World Translation. Spjega kif ix-Xhieda taʼ Jehovah kellhom irwol prinċipali f’li jipproduċu l-Bibbja f’ħafna lingwi.—Ara l-Watchtower tal-15 t’Ottubru 1997, paġni 11-12.
20 min: Agħmel Użu Tajjeb mill-Ktejjeb Kif Nibdew u Nkomplu Diskussjonijiet Fuq Il-Bibbja. Diskussjoni taʼ paġna 2 f’għamla taʼ mistoqsija u tweġiba. Uri kif dan il-ktejjeb huwa magħmul biex jgħinna nippreparaw għal sehem iktar effettiv fil-ministeru. Spjega kif il-ktejjeb jistaʼ jintuża meta nkunu qed nagħtu xiehda fuq it-telefon. Uri kif nistgħu nużaw informazzjoni t’għajnuna f’paġni 7 sa 16 biex inkomplu xi konversazzjoni. Ħeġġeġ lil kulħadd biex isir familjari maʼ dan il-ktejjeb, iżommu fil-basket tas-servizz, u jużah regolarment.
15 min: Kif Nistaʼ Nikkontrolla l-Ħin li Nqattaʼ Nara t-TV? Anzjan jitkellem maʼ żagħżugħ li jqattaʼ ħafna sigħat mill-ġurnata jara t-TV. Għall-ewwel, iż-żagħżugħ jibda jinsisti li dan ma jagħmilx ħsara. Jgħid li huwa sempliċement mod biex jistrieħ u li hu ma jiġix effettwat b’mod ħażin. L-anzjan jirrevedi xi punti prinċipali minn kapitlu 36 tal-ktieb Iż-Żgħażagħ Jistaqsu. Hu jispjega l-fatt li meta wieħed iqattaʼ ħin żejjed jara t-TV jkun qed jaħli ħin prezzjuż li jistaʼ jqattgħu f’li jagħmel l-istudju persunali, joħroġ fuq il-ministeru, jew jgħin fil-bżonnijiet tal-kongregazzjoni. Iż-żagħżugħ jesprimi apprezzament għall-parir u jgħid li għall-benefiċċju spiritwali tiegħu, hu se jnaqqas il-ħin li jqattaʼ jara t-TV.
Għanja 175 u talba taʼ l-għeluq.
Ġimgħa li Tibda 4 taʼ Diċembru
10 min: Avviżi lokali.
15 min: Bżonnijiet lokali.
20 min: “Kelma li Tingħad f’Waqtha.” Diskussjoni maʼ l-udjenza u turijiet. Ħafna jħossuhom li m’humiex kapaċi meta jipprovaw jibdew konversazzjonijiet, billi jaħsbu b’mod żbaljat li għandhom bżonn xi abbiltà speċjali biex ikollhom riżultati tajbin. Spjega kif ilkoll kemm aħna, inkluż il-pubblikaturi l-ġodda u ż-żgħar, nistgħu nibdew diskussjonijiet bi ftit iktar sforz. Irrevedi l-preżentazzjonijiet li ġew suġġeriti, billi tenfasizza s-sempliċità tagħhom, u ħejji żewġ pubblikaturi jew tlieta biex jagħmlu turija. Irreferi għall-Ministeru tas-Saltna taʼ Marzu, 1998, paġna 8, għall-preżentazzjonijiet oħra li jistgħu jintużaw. Ħeġġeġ lil kulħadd ikun pożittiv biex b’hekk isib iktar ferħ fil-ministeru tiegħu.
Għanja 218 u talba taʼ l-għeluq.