Nagħtu Xiehda—Sa Truf l-​Art

Min huma wisq probabbli dawk li jaraw il-​vidjo To the Ends of the Earth (Sa Truf l-​Art) għal darba wara l-​oħra? Dawk li għandhom il-​mira li jsiru missjunarji. Għala? Biex isiru familjari maʼ l-​Iskola taʼ Gilgħad (Watchtower Bible School of Gilead). Il-​vidjo mmarka l-​50 anniversarju minn mindu bdiet din l-​iskola unika li nħolqot biex ix-​xogħol taʼ l-​għoti taʼ xiehda jinfirex sat-​“truf kollha taʼ l-​art.” (Salm 22:28 [22:27, NW]) Meta tara dan il-​vidjo se jiżdiedlek l-​apprezzament għax-​xogħol tant importanti taʼ l-​ippridkar taʼ l-​aħbar tajba u se jqanqlek biex iżżid l-​attività tiegħek. Ikkunsidra dan: (1) Mill-bidu tas-​snin 40 tas-​seklu l-​ieħor, x’kien sar taʼ importanza ewlenija fl-​organizzazzjoni taʼ Jehovah? (Atti 1:8) (2) Fl-​1942, liema profezija Biblika li tispikka kienet qed isseħħ, u kif kienet l-​attenzjoni tagħna ffokata fuq xi ħaġa differenti minn dik tad-​dinja in ġenerali? (Apk. 17:8; w-MT89 7/15 pġ. 12 par. 12) (3) Liema pjanijiet saru biex jittieħed vantaġġ mill-​perijodu taʼ paċi mistenni wara t-​Tieni Gwerra Dinjija? (jv pġ. 522 pari. 1-2) (4) Liema kwalitajiet tammira fl-​istudenti taʼ l-​ewwel klassi taʼ l-​Iskola taʼ Gilgħad? (5) Fl-​ewwel 50 sena taʼ Gilgħad, kemm iggradwaw studenti, u lejn kemm-il pajjiż intbagħtu? (6) Kemm fil-​fatt jieħdu edukazzjoni mill-​Bibbja l-​istudenti? (7) X’inhu li jagħmel missjunarju u għalliem tajjeb tal-​Kelma t’Alla? (8) Kif inhi l-​ħajja taʼ missjunarju, u liema sfidi jridu jiġu ffaċċjati? (9) Il-​missjunarji kif iħossuhom dwar il-​mod taʼ ħajja tagħhom, u liema ferħ speċjali jiġi mill-​ħajja taʼ sagrifiċċju li jgħixu? (10) X’wettqu s’issa l-​eluf taʼ missjunarji? Agħti eżempji. (11) Kif tħossok dwar l-​aħwa li marru sat-​“truf kollha taʼ l-​art” biex jippridkaw? (12) L-​eżempju li jagħtu l-​missjunarji xi jħeġġek tagħmel, u għala?