Avviżi

◼ Offerta taʼ letteratura għal Diċembru: L-​Aqwa Bniedem Li Qatt Għex. Biex tbiddel tistaʼ tuża bħala offerta Int Tistaʼ Tgħix Għal Dejjem Fil-​Ġenna Fuq L-​Art jew Il-​Ktieb Tiegħi taʼ Stejjer mill-​Bibbja. Jannar: Il-​Ktieb Tiegħi taʼ Stejjer mill-​Bibbja jew Int Tistaʼ Tgħix Għal Dejjem Fil-​Ġenna Fuq L-​Art. Frar: Kwalunkwe ktieb ieħor li l-​kongregazzjoni jistaʼ jkollha maħżun. Marzu: Għarfien Li Jwassal Għall-​Ħajja Taʼ Dejjem. Se jsir sforz speċjali biex jinbdew studji tal-​Bibbja fid-​djar.

◼ Il-​kongregazzjonijiet għandhom jibdew jordnaw il-​volumi llegati taʼ The Watchtower u Awake! għall-​2001 maʼ l-​ordni tagħhom tal-​letteratura għal Diċembru. Il-​volumi llegati se jkunu disponibbli biċ-​Ċiniż, Franċiż, Grieg, Ġappuniż, Ġermaniż, Ingliż, Kroat, Pollakk, Portugiż, Rumen, Russu, Spanjol, u Taljan. Sakemm l-​volumi llegati jkunu disponibbli u jitlestew il-​konsenji, dawn se jidhru bħala “Pending” fil-​listi taʼ l-​ippakkjar tal-​kongregazzjoni. Il-​volumi llegati huma letteratura li tinkiseb b’rikjesta speċjali.

◼ Jekk jogħġobkom innotaw li l-​Mafkar għas-​sena 2003 se jkun nhar l-​Erbgħa, 16 t’April, wara nżul ix-​xemx. Dan l-​avviż bil-​quddiem qiegħed jingħata sabiex l-​aħwa jkunu jistgħu jibbukkjaw jew jagħmlu kuntratti skond il-​bżonn għal swali disponibbli għal meta jkun hemm diversi kongregazzjonijiet li jużaw is-​Sala tas-​Saltna u jkunu jridu jinstabu faċilitajiet oħrajn. L-​anzjani għandu jkollhom ftehim mal-​maniġment biex jiżguraw li ma jkun hemm ebda tfixkil minn attivitajiet oħrajn fil-​bini sabiex l-​osservanza tal-​Mafkar tkun tistaʼ ssir b’manjiera paċifika u bl-​ordni. Minħabba l-​importanza taʼ l-​okkażjoni, meta taħtar kelliemi għall-​Mafkar, il-​ġemgħa taʼ l-​anzjani għandha tagħżel wieħed mill-​iktar anzjani kwalifikati minflok ma tagħżel lil min imissu jew tuża lill-​istess ħu kull sena. Jekk hemm anzjan kapaċi mill-​midlukin li jistaʼ jagħti t-​taħdita, għandu jintgħażel hu.