Skeda għal-​Laqgħat tas-​Servizz

Ġimgħa li Tibda 10 taʼ Marzu

Għanja 5

10 min: Avviżi lokali. Avviżi magħżulin mill-​Ministeru tas-​Saltna. Uża s-​suġġerimenti f’paġna 8, u ħejji turija taʼ kif jiġi preżentat It-​Torri taʼ l-​Għassa tal-​15 taʼ Marzu flimkien maʼ waħda mill-​ħarġiet kurrenti tar-​rivista Stenbaħ!

15 min: Nibbenefikaw mit-​2003 Yearbook. Taħdita u diskussjoni maʼ l-​udjenza. Iddiskuti l-​punti prinċipali fl-​“Ittra Mingħand il-​Ġemgħa li Tiggverna,” li tinsab f’paġna 7 taʼ din il-​ħarġa tal-​Ministeru tas-​Saltna. Ftiehem minn qabel maʼ xi wħud biex isemmu rapporti u esperjenzi li sabuhom taʼ inkuraġġiment speċjali u li saħħewlhom il-​fidi. Semmi xi punti prinċipali mir-​rapport tad-​dinja kollha. Ħeġġeġ lill-​familji biex jaqraw il-​ktieb kollu ftit ftit matul is-​sena. Agħti suġġerimenti dwar kif nistgħu nużaw il-​ktieb biex nidderieġu lil uħud ġodda lejn l-​organizzazzjoni taʼ Jehovah u biex ninkuraġġuhom ħalli jattendu għal-​laqgħat.

20 min: “Kun Ħerqan għat-​Tajjeb!”* (Paragrafi 1-​12) Wara li tiddiskuti paragrafu 6, ħejji turija qasira minn pubblikatur li jistieden lil xi qarib, xi ġâr, xi sieħeb mill-​iskola, jew xi sieħeb mix-​xogħol għat-​Tifkira tal-​mewt taʼ Ġesù, billi juża l-​invit. Jekk l-​inviti għadhom ma tqassmux, dan għandu jsir wara l-​laqgħa.

Għanja 19 u talba taʼ l-​għeluq.

Ġimgħa li Tibda 17 taʼ Marzu

Għanja 34

10 min: Avviżi lokali. Rapport tal-​kontijiet.

15 min: Kun Għaqli Meta Tagħżel maʼ Min Tagħmilha. Taħdita minn anzjan ibbażata fuq l-​Awake! tat-​22 taʼ Frar, 1997, paġna 13, u l-​materjal taħt it-​titlu “Bad Associations” f’paġna 189 tal-​ktieb Reasoning. Uri kif il-​prinċipji japplikaw kemm għaż-​żgħażagħ kif ukoll għall-​adulti. Enfasizza l-​benefiċċji li hemm meta tagħżel ħbieb li jħobbu lil Jehovah u li juru li qegħdin jistinkaw biex iżommu mal-​livelli tiegħu.

20 min: “Kun Ħerqan għat-​Tajjeb!”* (Paragrafi 13-26) Għandha tingħata mill-​indokratur li jippresiedi. Meta jkun qed jiġi kunsidrat paragrafu 14, ħejji turija qasira minn anzjan li jagħmel żjara inkuraġġanti lil ħu li huwa marid, u bi mħabba jispjega kif il-​ħu jistaʼ jieħu sehem fl-​attività miżjuda tal-​kongregazzjoni fiż-​żmien tat-​Tifkira.

Għanja 53 u talba taʼ l-​għeluq.

Ġimgħa li Tibda 24 taʼ Marzu

Għanja 72

10 min: Avviżi lokali. Uża s-​suġġerimenti f’paġna 8, u uri kif għandu jiġi preżentat It-​Torri taʼ l-​Għassa taʼ l-​1 t’April u Stenbaħ! tat-​8 t’April.

15 min: Bżonnijiet Lokali.

20 min: Ix-​Xhieda taʼ Jehovah—Influwenza Tajba fil-​Komunità. Taħdita u diskussjoni maʼ l-​udjenza. Xi drabi jkollna l-​opportunità biex nuru kif il-​ministeru u l-​eżempju tagħna jistgħu jkunu taʼ benefiċċju għall-​komunità. Stieden lil dawk fl-​udjenza biex jikkummentaw dwar il-​punti li ġejjin: (1) Aħna ngħallmu lin-​nies biex jgħixu mal-​livelli tal-​Bibbja dwar il-​moralità. (2) Ngħallmu l-​onestà u r-​rispett lejn l-​awtorità. (3) Ngħallmu li għandu jkun hemm armonija bejn ir-​razez, in-​nazzjonalitajiet, u l-​gruppi soċjali. (4) Ngħinu lil oħrajn biex itejbu l-​ħajja tal-​familja tagħhom billi ninkuraġġuhom biex japplikaw il-​prinċipji tal-​Bibbja. (5) Għallimna lil eluf taʼ nies jiktbu u jaqraw. (6) Nagħmlu sforz biex ngħinu lil oħrajn meta jkun hemm xi diżastru. (7) Lgħabna parti importanti biex niżguraw li jkun hemm libertajiet reliġjużi li jgawdi minnhom kulħadd.—Ara l-​ktieb Proclaimers, paġna 699.

Għanja 121 u talba taʼ l-​għeluq.

Ġimgħa li Tibda 31 taʼ Marzu

Għanja 130

12 min: Avviżi lokali. Fakkar lil kulħadd biex jitfaʼ r-​rapport tas-​servizz taʼ l-​għalqa għal Marzu. Semmi l-​letteratura li għandha tiġi offruta f’April. Irrivedi “Uża l-​Ktieb Qim lil Alla biex Tikkonduċi Studji tal-​Bibbja.” Iddiskuti l-​punti prinċipali mit-​“Tfakkiriet għat-​Tifkira.”

13 min: Esperjenzi lokali. Stieden lill-​membri tal-​kongregazzjoni biex jaqsmu xi esperjenzi li gawdew fl-​attività miżjuda f’Marzu. Faħħarhom għall-​isforzi tagħhom, u inkuraġġixxi lil kulħadd biex f’April jieħu sehem sħiħ skond kif jippermettu ċ-​ċirkustanzi.

20 min: “Jehovah taʼ Min Ifaħħru bil-​Bosta.”a Enfasizza l-​importanza tat-​Tifkira. Uri kif kulħadd jistaʼ jgħin biex ħaddieħor ikun preżenti wkoll. Spjega x’jistaʼ jsir biex jiġu kuntattjati dawk l-​uħud inattivi ħalli jerġgħu jqanqlu l-​interess. Stieden lill-​udjenza biex taqsam xi esperjenzi inkuraġġanti mill-​osservanza tas-​sena li għaddiet.

Għanja 173 u talba taʼ l-​għeluq.

Ġimgħa li Tibda 7 t’April

Għanja 191

10 min: Avviżi lokali.

15 min: Kif Tirraġuna mill-​Iskrittura. Diskussjoni maʼ l-​udjenza. Kif nistgħu niżviluppaw l-​abbiltà biex nirraġunaw b’mod effettiv man-​nies fil-​ministeru? (1) Ikseb għarfien eżatt taʼ l-​Iskrittura billi regolarment tagħmel studju persunali u tattendi għal-​laqgħat. (2) Immedita dwar dak li titgħallem, waqt li teżamina l-​veritajiet minn angoli differenti. (3) Fittex mhux biss spjegazzjonijiet dwar l-​iskritturi imma wkoll raġunijiet Skritturali għalihom. (4) Ikkunsidra kif kieku tispjega l-​iskritturi lil tipi differenti taʼ nies. (5) Ikkunsidra kif tistaʼ tispjega ċerti punti b’tixbiha.

20 min: “Kif il-​Verità Teħlisna.”b Inkludi l-​kummenti fil-​kaxxa f’paġna 6 tat-​Torri taʼ l-​Għassa taʼ l-​1 t’Ottubru, 1998. Stieden lil dawk fl-​udjenza biex jikkummentaw dwar kif il-​veritajiet mill-​Kelma t’Alla ġabulhom ħelsien.

Għanja 217 u talba taʼ l-​għeluq.

[Noti taʼ taħt]