Kun Mera taʼ Bniedem li Jagħmel it-​Tajjeb

1. Għala għandna nkunu konxji iktar mis-​soltu dwar il-​kondotta tagħna fil-​konvenzjoni distrettwali?

¹ Meta għadd kbir minna ninġabru flimkien f’konvenzjonijiet distrettwali, il-​mod kif naġixxu u nittrattaw lil oħrajn jiġi notat b’mod speċjali minn dawk li josservawna. B’hekk, kull wieħed u waħda minna jrid jagħti attenzjoni speċjali għall-​parir li tagħtina l-​Bibbja biex ‘inkunu meqjusin u f’kollox inkunu mera taʼ bniedem li jagħmel it-​tajjeb.’ (Titu 2:​6, 7) Forsi jirrikjedi sforz iktar mis-​soltu biex ‘ma nfittxux li jaqblilna, imma li jaqbel lil ħaddieħor.’ (Flp. 2:4) Ejja nikkunsidraw xi ftit oqsma fejn nistgħu napplikaw dan l-​inkuraġġiment fil-​konvenzjoni distrettwali li ġejja bit-​tema “Agħtu Glorja lil Alla.”

2, 3. It-tfal kif jistgħu jġibu tifħir lil Jehovah, u x’responsabbiltà għandhom il-​ġenituri?

² Il-​Ġenituri u t-​Tfal: F’dinja fejn ħafna żgħażagħ m’għandhomx manjieri tajbin, it-​tfal tagħna jispikkaw bħala li huma differenti, u dan iġib tifħir lil Jehovah u l-​organizzazzjoni tiegħu. Madankollu, xi drabi nqalgħu problemi meta xi tfal ma kinux taħt superviżjoni xierqa.—Prov. 29:15

³ Qabel il-​konvenzjoni xi ġenituri sabuha t’għajnuna li jirrivedu mat-​tfal tagħhom it-​tip taʼ mġiba li hija mistennija minnhom. (Efes. 6:4) Huma jgħinu lit-​tfal jifhmu li mħabba Kristjana ġenwina “ma tagħmilx dak li m’hux xieraq” jew “ma tfittixx dak li hu tagħha.” (1 Kor. 13:5) Il-​konvenzjoni distrettwali hija ħin riservat biex niġu mgħallmin minn Jehovah, u t-​tfal flimkien maʼ l-​adulti jistgħu juru rispett għal dan l-​arranġament bil-​kondotta tagħhom, kemm fil-​post tal-​konvenzjoni kif ukoll f’postijiet oħrajn.—Is. 54:13.

4. Il-​kondotta tajba tagħna x’effett jistaʼ jkollha fuq oħrajn?

⁴ Il-​kondotta tajba tagħna tistaʼ tgħin ħafna biex inġibu fix-​xejn ideat żbaljati u niġbdu n-​nies lejn il-​qima vera. (Mt. 5:16; 1 Pt. 2:12) Jalla dawk kollha li niltaqgħu magħhom fil-​konvenzjoni distrettwali tagħna jieħdu xiehda tajba bil-​mod kif naġixxu u nittrattawhom. B’dan il-​mod se nuru li aħna “mera taʼ bniedem li jagħmel it-​tajjeb” u se nigglorifikaw lil Jehovah.—Titu 2:7.