Avviżi

◼ Offerta taʼ letteratura għal Novembru: Alla X’Jirrikjedi Minna? jew Għarfien li Jwassal Għall-​Ħajja taʼ Dejjem. Jekk in-​nies diġà għandhom minnhom, jistaʼ jiġi offrut il-​ktieb Qim lill-​Uniku Alla Veru jew xi pubblikazzjoni li ħarġet qabel. Diċembru: L-​Aqwa Bniedem li Qatt Għex. Bħala għażla oħra tistaʼ toffri Il-​Ktieb Tiegħi taʼ Stejjer mill-​Bibbja, jew Int Tistaʼ Tgħix Għal Dejjem Fil-​Ġenna Fuq L-​Art. Jannar: Kwalunkwe ktieb antik li l-​kongregazzjoni jistaʼ jkollha maħżun. L-​indokratur tas-​servizz taʼ kull kongregazzjoni għandu jiċċekkja mal-​koordinatur tal-​letteratura tas-​Sala tas-​Saltna biex jara jekk hemmx xi kotba antiki li huma żejda. Jekk intom ma jkollkomx pubblikazzjonijiet antiki maħżunin, jekk jogħġobkom iċċekkjaw mal-​kongregazzjonijiet fil-​viċin jekk għandhomx pubblikazzjonijiet antiki żejda li tistgħu tużaw. Frar: Ippreżenta l-​browxer X’Jirrikjedi u agħmel sforz biex jinbdew studji tal-​Bibbja fid-​djar.

◼ L-​indokratur li jippresiedi għandu jinkariga lil xi ħadd biex jawditja l-​kontijiet tal-​kongregazzjoni fl-​1 taʼ Diċembru jew kemm jistaʼ jkun malajr wara din id-​data. Meta dan ikun sar, agħmel avviż lill-​kongregazzjoni wara li jkun inqara r-​rapport tal-​kontijiet li jmiss.

◼ Il-​kongregazzjonijiet għandhom jibdew jordnaw il-​volumi llegati taʼ The Watchtower u Awake! għall-​2003 maʼ l-​ordni tagħhom tal-​letteratura li jmiss. Il-​lista tal-​lingwi li dawn il-​kotba se jkunu disponibbli bihom se tidher fl-​“Avviż lill-​Kongregazzjonijiet Kollha,” li jintbagħat kull xahar lill-​kongregazzjonijiet kollha. Sakemm il-​volumi llegati jkunu disponibbli u jitlestew il-​konsenji se jidhru bħala “Pending” fil-​listi taʼ l-​ippakkjar tal-​kongregazzjoni. Il-​volumi llegati huma letteratura li tinkiseb b’rikjesta speċjali.

◼ Donazzjonijiet li jsiru b’ċekk u li jintefgħu fil-​kaxxi tal-​kontribuzzjoni fis-​Sala tas-​Saltna lokali u fl-​assembleat għax-​xogħol madwar id-​dinja jew għall-​Fond għas-​Swali tas-​Saltna jridu jintgħamlu pagabbli lill-​“IBSA (Malta).”