Skeda għal-​Laqgħat tas-​Servizz

Ġimgħa li Tibda 11 t’Ottubru

Għanja 219

10 min: Avviżi lokali. Avviżi magħżulin mill-​Ministeru tas-​Saltna. Ħeġġeġ lil kulħadd biex juża l-​mistoqsijiet li hemm fl-​ewwel paġna u jirrivedi n-​noti tiegħu bi tħejjija għad-​diskussjoni maʼ l-​udjenza dwar il-​Konvenzjoni Distrettwali “Imxi m’Alla” li se ssir fil-​Laqgħa tas-​Servizz tal-​ġimgħa d-​dieħla. Uża s-​suġġerimenti f’paġna 8, (jekk huma addattati għat-​territorju tiegħek) u ħejji turija taʼ kif jiġi preżentat It-​Torri taʼ l-​Għassa tal-​15 t’Ottubru flimkien maʼ ħarġa reċenti taʼ Stenbaħ! Inkuraġġixxi lill-​pubblikaturi biex jużaw skrittura fil-​preżentazzjoni tagħhom. Jistgħu jintużaw ukoll preżentazzjonijiet realistiċi oħrajn.

15 min: Sib il-​Ferħ Billi Tgħin lil Oħrajn. (Ġw. 4:​34) Intervisti. Huwa taʼ ferħ li tara lil xi ħadd wiċċu jixgħel għax ikun qed jitgħallem il-​veritajiet tal-​Kelma t’Alla. (w-E94 3/1 p. 29 par. 6-7) Intervista tnejn jew tliet pubblikaturi jew pijunieri li huma effettivi biex jużaw il-​Bibbja fil-​ministeru u biex jibdew u jikkonduċu studji tal-​Bibbja. Kif jikkultivawh l-​interess li jsibu? X’ferħ isibu meta jagħmlu dan? Staqsihom biex jirrakkontaw jew jirreċtaw xi esperjenzi li kellhom fil-​ministeru.

20 min: “Kampanja Speċjali għat-​Tqassim tal-​Browxer il-​Ġdid.”a Trid tingħata mill-​indokratur tas-​servizz. Ħejji turija għall-​preżentazzjonijiet suġġeriti. F’waħda mit-​turijiet, l-​inkwilin juri ftit interess fil-​preżentazzjoni mill-​Iskrittura u jingħata fuljett minflok browxer.

Għanja 69 u talba taʼ l-​għeluq.

Ġimgħa li Tibda 18 t’Ottubru

Għanja 127

5 min: Avviżi lokali. Iddiskuti fil-​qosor l-​arranġamenti għall-​kampanja speċjali biex jitqassam il-​browxer il-​ġdid.

40 min: “Il-​Konvenzjoni Distrettwali Tħeġġiġna biex Nimxu m’Alla.” Trid tingħata minn anzjan. Wara introduzzjoni taʼ minuta jew inqas, iddiskuti maʼ l-​udjenza l-​programm tal-​konvenzjoni billi tuża l-​mistoqsijiet fl-​artiklu. Qassam il-​ħin b’tali mod li tuża l-​mistoqsijiet kollha, forsi billi tieħu tweġiba waħda biss għal ċerti mistoqsijiet. Jistgħu ma jinqrawx l-​iskritturi mniżżlin kollha fil-​ħin assenjat; dawn qegħdin biex jgħinuna nsibu t-​tweġibiet. Il-​kummenti għandhom jiffokaw fuq il-​benefiċċji li jiġu meta napplikaw dak li tgħallimna.

Għanja 165 u talba taʼ l-​għeluq.

Ġimgħa li Tibda 25 t’Ottubru

Għanja 56

12 min: Avviżi lokali. Rapport tal-​kontijiet. Uri preżentazzjoni li qed ikollha riżultati tajbin fit-​territorju lokali taʼ kif jiġi offrut il-​browxer il-​ġdid. Skond kemm jippermetti l-​ħin, irrakkonta xi esperjenzi mill-​kampanja speċjali.

18 min: Dak li t-​Tfal Jeħtieġu mill-​Ġenituri. Taħdita u diskussjoni maʼ l-​udjenza bbażata fuq Tgħallem mill-​Għalliem il-​Kbir, paġni 6-7. Huwa vitali li t-​tfal jitgħallmu l-​prinċipji bażiċi tal-​Bibbja dwar il-​qima vera u jifhmu l-​irwol prinċipali li għandhom il-​ġenituri fil-​proċess tat-​taħriġ. Iddiskuti s-​suġġerimenti li jingħataw taʼ kif jiġi studjat il-​ktieb. Stieden lill-​ġenituri biex jikkummentaw dwar kif għamlu użu minn din l-​għajnuna għall-​istudju. Stieden ukoll lil xi żewġt itfal biex jirrakkontaw għala japprezzaw din il-​pubblikazzjoni.

15 min: Esperjenzi Lokali. Irrakkonta xi esperjenzi li gawdejna tul il-​kampanja speċjali għat-​tqassim tal-​browxer il-​ġdid. L-​esperjenzi li jispikkaw jistgħu jiġu reċtati. Enfasizza dak li twettaq, u faħħar lil kulħadd taʼ l-​isforzi tiegħu. Il-​Laqgħa tas-​Servizz tal-​ġimgħa d-​dieħla se tikkunsidra kif għandna nikkultivaw l-​interess billi nużaw il-​browxer il-​ġdid.

Għanja 62 u talba taʼ l-​għeluq.

Ġimgħa li Tibda 1 taʼ Novembru

Għanja 15

10 min: Avviżi lokali. Fakkar lill-​pubblikaturi sabiex jitfgħu r-​rapport tas-​servizz taʼ l-​għalqa. Matul Novembru se jiġi offrut il-​ktieb Tgħallem mill-​Għalliem il-​Kbir. Irrivedi fil-​qosor is-​suġġerimenti f’paġna 3 taʼ kif jiġi offrut il-​ktieb u uri waħda mill-​preżentazzjonijiet. Jekk hemm xi metodu differenti li jistaʼ jkun iktar effettiv fit-​territorju lokali, dan jistaʼ jiġi diskuss u muri. Jekk il-​ħin jippermetti, stieden lill-​udjenza biex tikkummenta dwar kif użat din il-​pubblikazzjoni fil-​ministeru.

20 min: Kif Ngħinu lil Dawk li Jitkellmu b’Lingwa Oħra. Taħdita u diskussjoni maʼ l-​udjenza bbażata fuq l-​introduzzjoni taʼ Good News for People of All Nations. Enfasizza punti mill-​ktejjeb il-​ġdid. Iddiskuti t-​tliet passi li għandna nieħdu biex ngħinu lil dawk li jitkellmu b’lingwa li aħna ma nifhmux. Inkludi kummenti mill-​Ministeru tas-​Saltna taʼ Lulju 2003, paġna 4. Inkludi turija li turi kif tuża l-​ktejjeb il-​ġdid.

15 min: Esperjenzi lokali. Stieden lill-​udjenza biex tirrakkonta xi esperjenzi li gawdiet s’issa tul il-​kampanja speċjali bil-​browxer. Ippjana minn qabel biex tagħmel reċta taʼ esperjenzi li jispikkaw. Jekk il-​kongregazzjoni m’għandhiex ħafna browxers, staqsi biex tara jekk hemmx xi kopji żejda li jistgħu jittieħdu lura fil-​bank tal-​letteratura.

Għanja 175 u talba taʼ l-​għeluq.

[Noti taʼ taħt]