Avviżi
◼ Offerta taʼ letteratura għal Diċembru: Offri l-ktieb L-Aqwa Bniedem Li Qatt Għex. Inkella, uża ktieb ieħor bħall-Ktieb Tiegħi taʼ Stejjer mill-Bibbja, jew Int Tistaʼ Tgħix Għal Dejjem Fil-Ġenna Fuq L-Art jekk il-kongregazzjoni għandha maħżun. Jannar: Kwalunkwe pubblikazzjoni antika li l-kongregazzjoni għandha maħżuna. L-indokratur tas-servizz taʼ kull kongregazzjoni għandu jiċċekkja mal-koordinatur tal-letteratura tas-Sala tas-Saltna biex jara jekk hemmx iżżejjed minn xi kotba antiki. Jekk m’għandkomx pubblikazzjonijiet antiki maħżuna, jekk jogħġbok iċċekkja mal-kongregazzjonijiet fil-qrib jekk għandhomx letteratura antika disponibbli li tistgħu tużaw. Frar: Offri l-ktieb Ersaq Qrib Lejn Jehovah. Marzu: Offri l-browxer Ibqaʼ Għassa! Jekk l-individwu juri interess ġenwin, introduċi l-ktieb Għarfien bil-mira li tibda studju tal-Bibbja.
◼ L-inviti tat-Tifkira għas-sena 2006 fil-lingwa primarja taʼ kull kongregazzjoni dalwaqt se jintbagħtu. Jekk hemm lingwi oħrajn mitkellma fit-territorju tagħkom u tixtiequ provvista taʼ inviti b’dawk il-lingwi, dawn għandhom jiġu ordnati mill-iktar fis possibbli fuq il-Literature Request Form (S-14). Lista tal-lingwi kollha li bihom se jkunu disponibbli l-inviti għat-Tifkira se tidher fl-“Avviż għall-Kongregazzjonijiet Kollha,” li jintbagħat kull xahar. Jekk jogħġobkom, ordnaw biss dawk il-lingwi li hemm bżonn fit-territorju tagħkom.
◼ Jekk jogħġobkom innotaw li t-Tifkira għas-sena 2007 se tkun nhar it-Tnejn, 2 t’April, wara nżul ix-xemx. Dan l-avviż bil-quddiem qiegħed jingħata sabiex l-aħwa jkunu jistgħu jibbukkjaw jew jagħmlu kuntratti skond il-bżonn għal swali disponibbli għal meta jkun hemm diversi kongregazzjonijiet li jużaw is-Sala tas-Saltna u jkunu jridu jinstabu faċilitajiet oħrajn. F’każi bħal dawn, l-anzjani għandu jkollhom ftehim mal-maniġment biex jiżguraw li ma jkun hemm ebda tfixkil minn attivitajiet oħrajn fil-bini sabiex l-osservanza tat-Tifkira tkun tistaʼ ssir b’manjiera paċifika u bl-ordni.
◼ Minħabba l-importanza tat-Tifkira, il-ġemgħa taʼ l-anzjani għandha tagħżel wieħed mill-iktar anzjani kwalifikati biex ikun il-kelliemi għat-Tifkira minflok ma tagħżel lil min imissu jew tuża lill-istess ħu kull sena. Jekk hemm anzjan kapaċi mill-midlukin li jistaʼ jagħti t-taħdita, għandu jintgħażel hu.