Tistaʼ Tibda Studju tal-​Bibbja f’Settembru?

1. Liema sforz speċjali se nagħmlu f’Settembru, u dan x’jinvolvi?

¹ Matul Settembru se nagħmlu sforz speċjali biex nibdew studji tal-​Bibbja fl-​ewwel żjara bil-​ktieb Il-​Bibbja X’Tgħallem? Dan x’jinvolvi? Minbarra li nħallu l-​pubblikazzjoni, aħna rridu nistinkaw biex niddiskutu ftit paragrafi maʼ l-​inkwilin u nirranġaw biex inkomplu d-​diskussjoni fiż-​żjajjar taʼ wara.

2. Kif nistgħu nużaw paġni 4 u 5 tal-​ktieb Il-​Bibbja X’Tgħallem? biex nibdew diskussjoni mill-​Bibbja?

² Nistgħu nibdew billi nuru l-​istampi f’paġni 4 u 5 tal-​ktieb u ngħidu, “Ma tkunx xi ħaġa meraviljuża kieku l-​bidliet li jidhru f’dawn l-​istampi jseħħu verament?” Ismaʼ t-​tweġiba b’attenzjoni. Jekk l-​inkwilin juri interess f’wieħed mis-​suġġetti, urih x’tgħallem il-​Bibbja dwar dak is-​suġġett billi tikkunsidra l-​paragrafu jew il-​paragrafi fil-​ktieb li jitkellmu dwaru. Per eżempju, jekk ikun interessat f’li jara l-​mard jispiċċa bħalma hu profetizzat f’Isaija 33:24 jew 35:​5, 6, iftaħ paġna 36 u iddiskuti paragrafu 22.

3. (a) Jekk użajt preżentazzjoni simili għal dik suġġerita f’paragrafu 3, kif wieġeb l-​inkwilin? (b) Liema preżentazzjonijiet oħrajn użajt biex tistinka ħalli tibda studju tal-​Bibbja fl-​ewwel żjara?

³ Preżentazzjonijiet li jinvolvuna malajr f’diskussjoni mill-​Bibbja billi nużaw il-​ktieb jistgħu jkunu effettivi. Ladarba ħafna nies iridu ħajja hienja fil-​familja, tistaʼ tiddeċiedi li tistaqsi lill-​inkwilin, “Taħseb li jekk in-​nies japplikaw dan il-​parir mill-​Bibbja se jiġu megħjunin igawdu ħajja hienja fil-​familja?” Aqra Efesin 5:​33, u mbagħad agħti ċans għal tweġiba. Il-​mistoqsijiet fl-​introduzzjoni taʼ kapitlu 14 jistgħu jiġbdu l-​attenzjoni taʼ l-​individwu, u jagħtuk l-​opportunità li tikkunsidra l-​ewwel żewġ paragrafi. Hekk kif tiddiskuti l-​informazzjoni, int tkun qed tibda studju tal-​Bibbja.

4. Jekk nibdew studju fl-​ewwel żjara, kif nistgħu nagħmlu arranġamenti biex inkomplu d-​diskussjoni?

⁴ Irranġa biex Tmur Lura: Meta tikkonkludi l-​ewwel studju, tistaʼ tirranġa biex tkompli d-​diskussjoni billi tgħid: “Fi ftit minuti biss, sirna nafu x’tgħallem il-​Bibbja dwar suġġett importanti. Id-​darba li jmiss nistgħu niddiskutu [ħalli mistoqsija li tkunu se tikkunsidraw]. Nistaʼ nerġaʼ niġi fl-​istess ħin il-​ġimgħa d-​dieħla?” Agħmel arranġamenti preċiżi biex terġaʼ tmur, u ara li żżomm l-​appuntament. (Mt. 5:​37) Ladarba jiġi stabbilit studju regulari, iddiskuti l-​ktieb sew mill-​bidu sa l-​aħħar.

5. X’għandna nagħmlu jekk l-​inkwilin ma jaċċettax studju tal-​Bibbja fl-​ewwel żjara?

⁵ Jekk tħalli kopja tal-​ktieb Il-​Bibbja X’Tgħallem? imma l-​inkwilin ma jaċċettax studju fl-​ewwel żjara, erġaʼ mur lura bil-​mira li tibda studju tal-​Bibbja.