Tfakkiriet għall-​Konvenzjoni Distrettwali

◼ Ħinijiet tal-​Programm: Il-​programm se jibda fid–9:20 a.m. fit-​tlett ijiem kollha. Il-​bibien se jinfetħu fit-​8.00 a.m. Meta tibda l-​mużika tas-​Saltna bħala introduzzjoni, ilkoll kemm aħna għandna nsibu postna sabiex il-​programm ikun jistaʼ jibda bid-​dinjità. Il-​Ġimgħa u s-​Sibt il-​programm se jispiċċa fil-​5.05 p.m u l-​Ħadd fl–4:10 p.m.

◼ Postijiet: Il-​postijiet jistgħu jintrefgħu biss għal dawk li jivvjaġġaw miegħek fl-​istess karozza jew li jgħixu miegħek fl-​istess dar.

◼ Donazzjonijiet:  Meta tiġi organizzata konvenzjoni distrettwali jkun hemm involuti spejjeż kbar. Nistgħu nuru l-​apprezzament tagħna billi nagħtu kontribuzzjonijiet volontarji għax-​xogħol madwar id-​dinja fis-​Sala tas-​Saltna tagħna jew fil-​konvenzjoni. Kwalunkwe ċekk li jingħata b’kontribuzzjoni fil-​konvenzjoni għandu jintgħamel pagabbli lil “IBSA (Malta).”

◼ Aċċidenti u Emerġenzi: Jekk tinqalaʼ xi emerġenza medika fil-​post tal-​konvenzjoni, jekk jogħġbok ikkuntattja lil attendant fil-​qrib, li se javża mill-​ewwel lid-​Dipartiment taʼ l-​Ewwel Għajnuna sabiex dawk fostna li huma kwalifikati biex jagħtu l-​ewwel għajnuna jkunu jistgħu jiddeċiedu kemm hi gravi s-​sitwazzjoni u jagħtu l-​assistenza tagħhom. Jekk ikun hemm bżonn, dawk li jagħtu l-​ewwel għajnuna jistgħu jċemplu 112.

◼ Apparat li Jirrekordja: Ebda apparat li jirrekordja m’għandu jitqabbad mas-​sistema taʼ l-​elettriku jew tas-​sawnd li hemm fil-​post tal-​konvenzjoni u dan l-​apparat jistaʼ jintuża biss sakemm ma jtellifx lil oħrajn.

◼ Fwejjaħ: Ladarba l-​konvenzjoni tagħna ssir f’post ġewwa, inkunu qed nuru qalb tajba min-​naħa tagħna jekk nillimitaw l-​użu taʼ fwejjaħ qawwijin li jistgħu jikkaġunaw reazzjonijiet f’dawk li jbatu bi problemi respiratorji jew problemi simili.​—1 Kor. 10:24.

◼ Formoli Follow-Up: Formola Please Follow Up (S-43) għandha tintuża biex tiġi provduta informazzjoni dwar kulmin juri interess permezz taʼ xiehda informali matul il-​konvenzjoni. Il-​pubblikaturi għandhom iġorru formola jew tnejn tal-​follow-up matul il-​konvenzjoni. Il-​formoli se jkunu disponibbli wkoll fid-​Dipartiment taʼ l-​Amministrazzjoni tal-​konvenzjoni. Il-​formoli mimlijin għandhom jingħataw lis-​segretarju tal-​kongregazzjoni meta terġgħu tiltaqgħu fi-Sala tas-​Saltna.​—Ara l-​Ministeru tas-​Saltna taʼ Frar 2005, pġ. 6.

◼ Restoranti: F’ħafna postijiet normalment jitħallew tips taʼ 15 fil-​mija, jiddependi mis-​servizz.