Skeda għal-Laqgħat tas-Servizz
Ġimgħa li Tibda 8 taʼ Settembru
10 min: Avviżi lokali. Staqsi lil dawk fl-udjenza dwar liema artikli mir-rivisti kurrenti l-iktar li laqtu lin-nies fit-territorju lokali. Staqsihom liema mistoqsijiet u skritturi użaw biex jintroduċu l-artikli. Ħejji turija taʼ kif kull rivista tistaʼ tiġi offruta.
15 min: Għin lill-Istudenti tal-Bibbja Jsiru Għalliema. Taħdita bbażata fuq It-Torri taʼ l-Għassa tal-15 taʼ Jannar, 2007, paġni 29-30, paragrafi 14-20. Inkludi turija qasira taʼ pubblikatur li qed jispjega lill-istudent ġdid tal-Bibbja dwar it-taħdita pubblika u l-istudju tat-Torri taʼ l-Għassa taʼ kull ġimgħa u jistiednu biex jattendi.
20 min: Inkampaw mal-Preġudizzju fil-Ministeru Tagħna. Taħdita minn anzjan, ibbażata fuq informazzjoni li ħarġet diġà fil-pubblikazzjonijiet dwar kif il-preġudizzju jistaʼ jeffettwa l-ministeru tagħna. Spjega kif jistaʼ jingħeleb preġudizzju bħal dan. Xi drabi l-kondotta tagħna stess, kemm fil-ministeru taʼ l-għalqa kif ukoll fl-attivitajiet tagħna taʼ kuljum, tistaʼ tgħin ħafna biex jingħeleb il-preġudizzju taʼ wħud li jkunu qed josservawna u tgħinhom jinteressaw ruħhom fil-verità. Għalhekk huwa vitali li noqogħdu attenti kif nitkellmu u naġixxu l-ħin kollu. (1 Pt. 2:12; 3:1, 2) Ipprepara minn qabel biex xi wħud jirrakkontaw esperjenzi lokali jew pubblikati li juru kif jistaʼ jiġi megħlub il-preġudizzju.
Ġimgħa li Tibda 15 taʼ Settembru
10 min: Avviżi lokali. Avviżi magħżulin mill-Ministeru tas-Saltna. Avża dwar l-arranġamenti tas-servizz taʼ l-għalqa għall-festa pubblika li se taħbat nhar il-Ħadd, 21 taʼ Settembru.
20 min: Kif Morna s-Sena l-Oħra? Taħdita u diskussjoni maʼ l-udjenza li tingħata mill-indokratur tas-servizz jew anzjan kwalifikat ieħor. Irrivedi l-attività tal-kongregazzjoni fil-ministeru matul is-sena taʼ servizz li għaddiet, u ffoka fuq l-affarijiet tajbin li twettqu. Agħti tifħir xieraq. Irranġa minn qabel biex pubblikatur jew tnejn jirrakkontaw kwalunkwe esperjenza inkuraġġanti li gawdew. Semmi punt jew tnejn li l-kongregazzjoni għandha taħdem fuqhom fis-sena li ġejja, u agħti suġġerimenti prattiċi biex ikun hemm titjib.
15 min: Kif Nistaʼ Niddefendi t-Twemmin Tiegħi Dwar il-Ħolqien? Taħdita bbażata fuq informazzjoni li ħarġet diġà fil-pubblikazzjonijiet. Stieden lil dawk fl-udjenza biex jikkummentaw dwar kif huma ddefendew it-twemmin tagħhom fil-ħolqien meta kienu l-iskola, fuq ix-xogħol, u f’postijiet oħrajn. Tistaʼ tħejji kumment jew tnejn minn qabel.
Ġimgħa li Tibda 22 taʼ Settembru
10 min: Avviżi lokali. Aqra r-rapport tal-kontijiet u l-ittra taʼ ringrazzjament għad-donazzjonijiet. Iddiskuti l-ittra mill-uffiċċju lokali li qiegħda f’paġna 1.
20 min: Hemm Premju għall-Attività Tiegħek. Taħdita bbażata fuq It-Torri taʼ l-Għassa tal-15 t’April, 2005, minn paġna 28, paragrafu 6, sa l-aħħar taʼ paġna 29. Inkludi intervista qasira taʼ pubblikatur żeluż jew tnejn dwar kif Ġeħova pprovdielhom il-bżonnijiet materjali jew emozzjonali.
15 min: Ipprepara Biex Toffri t-Torri taʼ l-Għassa u Stenbaħ! t’Ottubru-Diċembru. Spjega fil-qosor x’fihom ir-rivisti u staqsi lil dawk fl-udjenza dwar liema artikli għandhom mnejn l-iktar jolqtu lin-nies fit-territorju. Liema mistoqsijiet u skritturi nistgħu nużaw biex nintroduċu l-artikli? Uri kif turija mill-eżempji taʼ preżentazzjonijiet mill-Ministeru tas-Saltna tistaʼ tiġi użata. Staqsi wieħed mill-anzjani biex jippreżenta turija qasira li hu jkun ipprepara bbażata fuq artiklu li jkun adattat għat-territorju lokali.
Ġimgħa li Tibda 29 taʼ Settembru
10 min: Avviżi lokali. Fakkar lill-pubblikaturi biex jitfgħu r-rapport tas-servizz għal Settembru. Irranġa minn qabel biex pubblikatur jew tnejn jirrakkontaw esperjenzi inkuraġġanti li kellhom meta taw xiehda informali huma u jattendu l-konvenzjoni distrettwali, waqt btala, jew f’okkażjonijiet oħrajn matul ix-xhur tas-sajf.
15 min: Bżonnijiet lokali.
20 min: “Kampanja b’Fuljett Speċjali mill-20 t’Ottubru sas-16 taʼ Novembru!”a Jekk il-fuljetti jkunu disponibbli, qassam kopja lil kulħadd fl-udjenza. Meta tikkunsidra paragrafu 2, irrivedi fil-qosor dak li fih il-fuljett. Meta tikkunsidra paragrafu 4, uri kif jistaʼ jitqassam il-fuljett. Meta tikkunsidra paragrafu 5, ħejji turija taʼ pubblikatur li juża l-fuljett biex jibda studju tal-Bibbja meta jagħmel żjara lura.
Ġimgħa li Tibda 6 t’Ottubru
10 min: Avviżi lokali.
15 min: Kaxxa għall-Mistoqsija. Diskussjoni maʼ l-udjenza. Inkludi kummenti mit-Torri taʼ l-Għassa tal-15 taʼ Ġunju, 2005, paġni 20-22, paragrafi 10-16.
20 min: “Għallem lil Oħrajn Iħobbu lil Ġeħova.”b Skond ma jippermetti l-ħin, stieden lil dawk fl-udjenza biex jikkummentaw dwar l-iskritturi ċitati.
[Noti taʼ Taħt]
a Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.
b Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.