Intejbu l-​abbiltajiet tagħna fil-​ministeru—Ngħinu lill-​istudenti tal-​Bibbja jaslu għad-​dedikazzjoni u l-​magħmudija

GĦALA HU IMPORTANTI: Biex jiksbu l-​approvazzjoni taʼ Ġeħova, l-​istudenti tal-​Bibbja għandhom jiddedikaw ħajjithom lilu u jitgħammdu. (1Pt 3:21) Imbagħad, dawk li jgħixu fi qbil mad-​dedikazzjoni tagħhom ikollhom protezzjoni spiritwali. (Sa 91:1, 2) Kristjan jiddedika ruħu lil Ġeħova—mhux lil xi bniedem, xogħol, jew organizzazzjoni. Għalhekk, l-​istudenti għandhom bżonn jiżviluppaw imħabba u apprezzament lejn Alla.—Rum 14:7, 8.

KIF TAGĦMEL DAN:

• Matul l-​istudju, iddiskuti x’tikxef l-​informazzjoni dwar Ġeħova. Enfasizza kemm hu importanti li naqraw il-​Bibbja kuljum u nitolbu lil Ġeħova “bla waqfien.”—1Te 5:17; Ġk 4:8

• Inkuraġġixxi lill-​istudent tiegħek biex jagħmel bħala miri spiritwali id-​dedikazzjoni u l-​magħmudija. Ukoll, għinu jilħaq miri li jiġu qabel dawn, bħal li jikkummenta waqt il-​laqgħat jew jagħti xhieda lil ġirien u lil sħabu tax-​xogħol. Ftakar li Ġeħova ma jisforza lil ħadd biex jaqdih. Id-​dedikazzjoni hija deċiżjoni personali.—Dt 30:19, 20

• Immotiva lill-​istudent tiegħek biex jagħmel il-​bidliet meħtieġa ħalli jogħġob lil Ġeħova u jikkwalifika għall-​magħmudija. (Pr 27:11) Minħabba li ċertu mġiba u drawwiet jaf ikollhom għeruq fil-​fond, student tal-​Bibbja forsi jkollu bżonn għajnuna kontinwa biex jinżaʼ l-​personalità l-​qadima u jilbes il-​ġdida. (Ef 4:22-​24) Urih artikli mis-​serje “Il-​Bibbja Tbiddel Il-​Ħajjiet” fit-​Torri tal-​Għassa

• Aqsam miegħu l-​ferħ li esperjenzajt f’li taqdi lil Ġeħova.—Is 48:17, 18