Kif Tiftakar l-Iskritturi

Ġieli ssibha diffiċli biex tiftakar x’jgħid vers fil-Bibbja jew fejn qiegħed? Forsi tkun qed taħseb f’xi vers li jinkuraġġik, jgħinek tneħħi ħsibijiet ħżiena, jew tkun tixtieq taqsmu maʼ xi ħadd ieħor. (Slm. 119:​11, 111) Ara dawn is-suġġerimenti li jistgħu jgħinuk tiftakar l-iskritturi.

• Uża t-tags fuq JW Library^®. Agħmel tag u semmiha “Skritturi Favoriti.” Imbagħad meta tkun qed taqra l-Bibbja u ssib vers li tkun trid tiftakar, tistaʼ tpoġġih fit-tag li tkun għamilt ħalli tkun tistaʼ ssibu iktar tard.

• Ikteb l-iskrittura u poġġiha fejn tistaʼ taraha. Ħafna sabuha taʼ għajnuna li jwaħħluha maʼ mera jew mal-friġġ. Oħrajn jieħdu ritratt tal-iskrittura u jpoġġuha bħala wallpaper fuq il-mowbajl jew il-kompjuter.

• Agħmel u uża kards biex tiftakar. Ikteb il-vers fuq naħa u l-kliem tal-vers fuq in-naħa l-oħra. Imbagħad, ħares lejn il-vers u pprova ftakar x’jgħid, jew aqra l-kliem tal-vers u pprova ftakar fejn qiegħed.