Mingħand il-​Qarrejja

Is-​Seklu Għoxrin Qed nikteb rigward is-​serje “Is-​Seklu 20—Snin Kritiċi taʼ Bidla.” (8 taʼ Diċembru, 1999) Bqajt impressjonat bit-​tagħrif ċar li ppreżentajtu fuq iż-​żminijiet diffiċli li għaddejna minnhom matul is-​seklu 20. Stajt nara wkoll kif ftit ftit il-​vjolenza qed teqred lill-​umanità. Nifirħilkom għax-​xogħol taʼ l-​għaġeb li qegħdin tagħmlu.

W. G., Puerto Rico

Id-​Drogi Nixtieq nirringrazzjakom għas-​serje “Qegħdin id-​Drogi Jieħdu d-​Dinja taħt Idejhom?” (8 taʼ Novembru, 1999) Missieri huwa skjav tad-​drogi u l-​alkoħol minħabba l-​influwenza taʼ ħbiebu. Id-​dar m’hijiex post taʼ kenn imma post fejn jien taʼ spiss niġi mhedda. Minkejja dan kollu, qatt ma se nieqaf nistieden lill-​ġenituri tiegħi biex igawdu l-​ferħ taʼ li jaqdu lil Alla.

M. L., Italja

Darba fil-​ġimgħa, fl-​iskola tagħna jiġi uffiċjal tal-​pulizija u jkellimna dwar affarijiet bħad-​drogi u l-​alkoħol. Iddeċidejt li meta jkun imissu jerġaʼ jiġi fil-​klassi tagħna, nagħtih l-​artikli fuq id-​drogi. Hu baqaʼ impressjonat ħafna bihom u qara partijiet minnhom fil-​klassi. Il-​klassi kollha bbenefikat mill-​artikli!

C. D., Stati Uniti

Is-​serje “Qegħdin id-​Drogi Jieħdu d-​Dinja taħt Idejhom?” (8 taʼ Novembru, 1999) kien fiha riċerka tajba ħafna. Jien naħdem bħala probation officer f’post fejn hemm ħafna żgħażagħ bil-​vizzju tad-​drogi. Din il-​ħarġa se tgħin lil ħafna biex jaqtgħu dan il-​vizzju.

J. T., Ġermanja

Ġejt inkuraġġit ħafna bir-​rakkont taʼ Pedro u martu, Ana. Id-​drogi ħarbtuli sitt snin minn ħajti. Billi nistudja l-​Bibbja u nitkellem m’oħrajn dwar dak li qed nitgħallem, ksibt is-​saħħa spiritwali biex neħles minn dan il-​vizzju tad-​drogi.

D. J., Stati Uniti

Jien ili 15-il sena ngħallem dwar is-​saħħa fl-​iskejjel. Din il-​ħarġa taʼ Stenbaħ! ġiet verament f’waqtha, peress li bħalissa qed ngħaddu s-​suġġett taʼ l-​alkoħol, id-​drogi u s-​sewqan. Ibqgħu ċerti li se nuża t-​tagħrif li fiha din il-​ħarġa!

C. J., Stati Uniti

Il-​Kwizz Rigward il-​kwizz, ma tistgħux tpoġġu t-​tweġibiet kompluti fil-​ħarġa li jkun imiss? Jien dejjem naqra r-​rivista l-​ewwel u mbagħad nagħmel il-​kwizz wara, u nsibha diffiċli biex naqra l-​paġna li jkun fiha t-​tweġibiet mingħajr ma nħares lejhom.

J. L., Stati Uniti

Napprezzaw is-​suġġeriment. Madankollu, peress li Stenbaħ! jitqassam minn bieb għal bieb, ħafna mill-​qarrejja tagħna ma jirċivux il-​ħarġiet taʼ wara. Għaldaqstant inħossu li jkun aħjar jekk inżommu t-​tweġibiet fl-​istess ħarġa. Ipprova tħarisx lejhom minn qabel!—ED.