X’Għandek Tagħmel Int?

50 Trid int tgħix għal dejjem f’dik il-​ġenna tal-​art sabiħa?

Mela tgħallem aktar dwar x’igħid Alla. Ipprova tgħallem aqra l-​Bibbja.​—Ġwann 17:3; Rivelazzjoni 1:3

51 Tgħallem aktar dwar Ġesù.​—Dewteronomju 18:18, 19; Ġwann 3:16; Atti 3:19-23

52 Ipprova agħmel biss affarijiet tajbin u obdi lil Jehovah.—Rumani 6:17, 18, 22

53 Ftakar, Jehovah igħid li ma rridux noqtlu lin-​nies.​—Eżodu 20:13; 1 Ġwann 3:11, 12

54 Ma rridux nieħdu affarijiet li huma taʼ nies oħra.​—Eżodu 20:15; Efesin 4:28

55 Raġel ma għandux igħix u jorqod maʼ mara jekk hi ma tkunx martu stess.​—Eżodu 20:14, 17; 1 Tessalonkin 4:3

56 Tiftakar kemm-il mara jippermetti Alla li raġel ikollu? Raġel kemm għandu jdum maʼ martu?—Ġenesi 2:22, 24; Mattew 19:5, 6; 1 Korintin 7:2, 10, 11

57 Ftakar, ukoll, li rridu nqimu biss lil Jehovah.​—Mattew 4:10; 1 Korintin 8:6

58 Idoli u immaġnijiet ma jistgħux igħinuna. Għala?​—1 Korintin 8:4

Huwa tajjeb li jkollok xi idoli?​—Dewteronomju 27:15; 1 Ġwann 5:21

59 Għala huwa ħażin li tagħmel is-​sħarijiet u tuża l-​‘black magic’?​—Dewteronomju 18:10-13; Rivelazzjoni 21:8

60 L-​anġli l-​ħżiena jew xjaten irvellaw kontra Alla. Huma jużaw lil dawk li jaqraw ix-​xorti biex iqarrqu bin-​nies.​—Atti 16:16

61 Aħna rridu nitolbu ’l Alla. It-​talb ifisser li nitkellmu maʼ Alla, li ngħidulu li rridu naqduh u li nistaqsuh għall-​għajnuna tiegħu.​—Filippin 4:6, 7

62 Irridu nobdu lil Ġesù u npoġġu fidi fih.​—Lhud 5:9; Ġwann 3:16

63 Ftakar li hu miet biex isalvana.​—Rumani 5:8

64 Ftakar li Ġesù hu s-​Sultan inviżibbli tagħna. Għandna nobdu lilu.​—Filippin 2:9-11; Rivelazzjoni 19:16

65 Ġesù qal li int għandek tgħid lil oħrajn dwar l-​affarijiet tajbin li qiegħed titgħallem u li dawk li jridu jaqdu ’l Alla għandhom jitgħammdu.​—Mattew 28:19, 20; Ġwann 4:7-15

66 Mela int tistaʼ titkellem maʼ sħabek dwar dawn l-​affarijiet tajbin.​—Mattew 10:32

67 Jekk titgħallem taqra tajjeb, int tistaʼ titgħallem ħafna aktar affarijiet u tkun tistaʼ tgħin lil ħaddieħor aħjar.​—2 Timotew 2:15

68 Ġesù għallem ukoll lit-​tfal żgħar biex jobdu ’l Alla. Qatt ma kien imħabbat wisq biex jitkellem magħhom.—Mattew 19:13-15

69 Il-​ġenituri għandhom dejjem igħallmu lil uliedhom biex jobdu ’l Alla u jħobbuh.​—Dewteronomju 6:6, 7; Qwiel 6:20-22; Efesin 6:4

70 Hemm ħafna knejjes differenti. Ħafna mit-​tagħlim tagħhom m’huwiex mill-​Bibbja. Jehovah igħidilna biex nitilqu minn dawk ir-​reliġjonijiet li ma jgħallmux il-​verità.—Rivelazzjoni 18:4; Ġwann 4:23, 24

71 Jehovah għandu nies fuq l-​art li jistgħu jgħallmuk aktar dwaru. Taf int min huma?—Atti 15:14; Rumani 10:14, 15

72 Huma x-​Xhieda taʼ Jehovah. Huma għandhom il-​paċi bejniethom. Taf għaliex? Għax iħobbu lil xulxin.​—Isaija 43:10-12; Ġwann 13:34, 35

73 Billi jħobbu wkoll lil Jehovah, huma ġew imgħammdin. Dan hu kif huma juru pubblikament li abbandunaw il-​mod ħażin taʼ kif igħixu u li jridu jqattgħu ħajjithom jaqdu ’l Alla.​—Atti 2:41

74 Ix-​Xhieda taʼ Jehovah jittamaw li jgħixu fil-​ġenna tal-​art ġdida u mill-​isbaħ.​—Salm 37:9-11, 29

X’tistaʼ tagħmel int sabiex tgħix hemm magħhom?​—Ġakbu 1:22, 25; 2:20-26

75 Ingħaqad magħhom f’li titgħallem taqdi lil Jehovah. Huma jħobbu u jobdu lil Jehovah u lil Kristu Ġesù. Tħobbhom int? Trid int tgħin lil oħrajn isiru jafu dwar Alla?​—Ġwann 6:45-47

76 Jehovah u Kristu Ġesù jħobbuk u jriduk tgħix għal dejjem fil-​ġenna tal-​art.​—Ġwann 3:16

Dak li int tgħallimt billi eżaminajt l-​istampi u l-​informazzjoni li hawn f’dan il-​ktejjeb żgur li qajjem ix-​xewqa fik li tgawdi l-​ħajja fuq l-​art għal dejjem. Jekk tixtieq titgħallem aktar dwar dan, nissuġġerulek li titkellem maʼ wieħed mix-​Xhieda taʼ Jehovah lokalment. Jew, tistaʼ tikteb, jew tqabbad lil xi ħadd jiktiblek, lill-​eqreb uffiċċju taʼ fejn tgħix int, kif inhu muri fil-​lista taʼ indirizzi f’paġna tnejn taʼ dan il-​ktejjeb.