Alla Hu l-Aqwa Ħabib li Qatt Jista’ Jkollok

Li ssir il-​ħabib t’Alla hija l-​aqwa ħaġa li qatt tista’ tiġrilek. Alla se jgħallmek kif tista’ tkun ferħan u tħossok fis-​sigurtà; se jeħilsek minn ħafna twemmin falz u prattiċi ta’ ħsara. Hu se jisma’ t-​talb tiegħek. Se jgħinek tgawdi paċi ġewwinija u fiduċja. (Salm 71:5; 73:28) Alla se jwieżnek fi żminijiet ta’ inkwiet. (Salm 18:19 [18:18, NW]) U Alla qed joffrilek ir-​rigal tiegħu ta’ ħajja ta’ dejjem.—Rumani 6:23.

Hekk kif tersaq qrib lejn Alla, se tersaq qrib lejn il-​ħbieb t’Alla. Huma se jsiru l-​ħbieb tiegħek ukoll. Fil-​fatt, għalik se jkunu bħal aħwa. Huma se jieħdu pjaċir jgħallmuk dwar Alla, jgħinuk, u jinkuraġġuk.

M’aħniex daqs Alla. Hekk kif tfittex il-​ħbiberija m’Alla, trid tifhem fatt importanti. Il-​ħbiberija m’Alla m’hijiex xi ħbiberija bħal dik bejn żewġ persuni ndaqs. Alla hu ferm ixjeħ minna u għandu ħafna iżjed għerf u qawwa. Hu l-​Mexxej tagħna bi dritt. Għalhekk, jekk irridu nkunu l-​ħbieb tiegħu, irridu nisimgħu minnu u nagħmlu dak li jgħidilna nagħmlu. Dan dejjem se jkun għall-​ġid tagħna stess.—Isaija 48:18.