Għandek Bżonn Titgħallem Dwar Alla

Biex tkun il-​ħabib t’Alla, għandek bżonn titgħallem dwaru. Ħbiebek jafuh u jużawh ismek? Dażgur. Alla wkoll iridek tkun taf ismu u tużah. L-​isem t’Alla hu Jehovah. (Salm 83:18, Karm Żammit; Mattew 6:9) Trid titgħallem ukoll xi jħobb u x’ma jħobbx. Trid tkun taf min huma l-​ħbieb tiegħu kif ukoll min huma l-​għedewwa tiegħu. Jirrikjedi ż-​żmien biex issir taf lil xi ħadd. Il-​Bibbja tgħid li huwa għaqli li nagħmlu l-​ħin biex nitgħallmu dwar Jehovah.—Efesin 5:15, 16, NW.

Il-​ħbieb t’Alla jagħmlu dak li jogħġob lilu. Ejja nieħdu l-​ħbieb tiegħek. Jekk tittrattahom ħażin u tagħmel l-​affarijiet li jobogħdu huma, se jibqgħu dawn il-​ħbieb tiegħek? Dażgur li le! Bl-​istess mod, jekk trid tkun il-​ħabib t’Alla, trid tagħmel dak li jogħġob lilu.—Ġwann 4:24.

Mhux ir-​reliġjonijiet kollha jwasslu għal ħbiberija m’Alla. Ġesù, li hu l-​aqwa ħabib t’Alla, tkellem dwar żewġ toroq. Waħda minnhom hija wiesgħa u mimlija nies. Din se twassal għall-​qerda. It-​triq l-​oħra hija dejqa u fiha ftit nies. Din se twassal għall-​ħajja ta’ dejjem. Dan ifisser li jekk trid li jkollok ħbiberija m’Alla, trid titgħallem kif għandek tqimu b’mod korrett.—Mattew 7:13, 14.