Min Huma l-Għedewwa t’Alla?

L-​għadu ewlieni t’Alla huwa Satana x-​Xitan. Huwa ħlejqa spirtu li rribella kontra Jehovah. Satana qed ikompli jiġġieled kontra Alla u joħloq inkwiet kbir lill-​bnedmin. Satana huwa mill-​agħar. Huwa giddieb u qattiel.—Ġwann 8:44.

Kien hemm ħlejjaq spirti oħra li ngħaqdu ma’ Satana fir-​ribelljoni kontra Alla. Il-​Bibbja ssejħilhom demonji. Bħal Satana, id-​demonji huma għedewwa tal-​bnedmin. Jieħdu pjaċir iweġġgħu lin-​nies. (Mattew 9:32, 33; 12:22) Jehovah se jeqred lil Satana u lid-​demonji tiegħu għal dejjem. Fadlilhom ftit żmien biss biex jibqgħu jaqilgħu l-​inkwiet lill-​bnedmin.—Apokalissi 12:12.

Jekk trid tkun il-​ħabib t’Alla, int ma tridx tagħmel dak li jridek tagħmel Satana. Satana u d-​demonji tiegħu jobogħduh lil Jehovah. Huma l-​għedewwa t’Alla, u jridu jagħmlu lilek ukoll għadu t’Alla. Int trid tagħżel lil min trid togħġob—jew lil Satana jew lil Jehovah. Jekk trid il-​ħajja ta’ dejjem, int trid tagħżel li tagħmel ir-​rieda t’Alla. Satana juża ħafna modi biex jinganna u jidħaq bin-​nies. Il-​biċċa l-​kbira tan-​nies qed jiġu mqarrqin minnu.—Apokalissi 12:9.