Id-9 Parti
Meta Se Tiġi l-Ġenna tal-Art?
Il-problemi tad-dinja juru li s-Saltna t’Alla dalwaqt se tieħu azzjoni. Luqa 21:10, 11; 2 Timotju 3:1-5
Il-Bibbja bassret ħafna mill-affarijiet li qed iseħħu llum. Il-Bibbja qalet li n-nies kellhom iħobbu l-flus, ikunu diżubbidjenti lejn il-ġenituri, feroċi, u jħobbu l-pjaċiri.
Kellu jkun hemm terremoti kbar, gwerer, nuqqas taʼ ikel, u mard maʼ kullimkien. Dawn l-affarijiet qed iseħħu issa.
Ukoll, Ġesù qal li l-aħbar tajba tas-Saltna kellha tiġi pritkata fl-art kollha.—Mattew 24:14.
Is-Saltna se tneħħi l-ħażen kollu. 2 Pietru 3:13
Ġeħova dalwaqt se jeqred lil dawk kollha li huma mill-agħar.
Satana u d-demonji se jiġu kastigati.
Dawk li jisimgħu minn Alla se jgħixu f’dinja ġdida u ġusta li fiha mhux se jkun hemm iktar biżaʼ, dinja li fiha n-nies se jafdaw u jħobbu lil xulxin.