GĦANJA 159
Agħti Glorja lil Ġeħova
1. Bħalek m’hemm ħadd, O Ġeħova.
Tiegħek hu biss dak it-tron.
Kif nistaʼ qatt inpattilek
Taʼ kemm għentni xħin kont fil-bżonn.
Xħin lejn is-sema inħares,
Nara kemm int maestuż.
Għidli x’rajt fija, Ġeħova,
Biex lili tant tqisni prezzjuż?
(RITORNELL)
Għażiż Missier, nitolbok tismaʼ l-kliem
Taʼ dil-għanja taʼ tifħir.
Int l-Alla l-kbir, Saltnatek hi bla tmiem.
Kulma nagħmel hu għalik,
U minn qalbi glorja ntik.
2. Jien naf li ħajti mhix tiegħi.
Nogħġbok kuljum jien irrid.
B’ħeġġa se nxandar lil ismek,
L’int Alla setgħan, l-aqwa Sid.
Lilek biss naqdi, Ġeħova.
Dan hu għalija unur.
Jalla int tibqaʼ tmexxini,
Kemm issa u wkoll fil-futur.
(RITORNELL)
Għażiż Missier, nitolbok tismaʼ l-kliem
Taʼ dil-għanja taʼ tifħir.
Int l-Alla l-kbir, Saltnatek hi bla tmiem.
Kulma nagħmel hu għalik,
U minn qalbi glorja ntik.
3. L-ibħra, l-widien tant tal-għaġeb!
Qamar u kwiekeb u xemx;
Kemm nifraħ b’din is-sbuħija!
Imħabba bħal tiegħek ma hemmx.
Qawwa u għerf inti għandek;
B’dawn nibqaʼ meraviljat.
Għandi raġun biex infaħħrek,
Għax b’idek dan ġie disinjat.
(RITORNELL)
Għażiż Missier, nitolbok tismaʼ l-kliem
Taʼ dil-għanja taʼ tifħir.
Int l-Alla l-kbir, Saltnatek hi bla tmiem.
Kulma nagħmel hu għalik,
U minn qalbi glorja ntik.
(Ara wkoll Slm. 96:1-10; 148:3, 7.)