Mistoqsijiet mill-​Qarrejja

Dewteronomju 14:21 jgħid: “Tiklux mill-​ebda bhima mejta.” Imur dan kontra l-​ kliem taʼ Levitiku 11:​40, li jgħid: “Min jiekol minn ġisimha mejjet, għandu jaħsel ħwejġu u jibqaʼ mniġġes sa filgħaxija”?

M’hemm ebda kontradizzjoni bejn dawn iż-​żewġ versi. L-​ewwel wieħed jirripeti l-​projbizzjoni kontra li jittiekel annimal li jinstab mejjet, forsi dak li jkun inqatel minn xi bhejjem salvaġġi. (Eżodu 22:30 [22:​31, NW]; Levitiku 22:8) It-​tieni vers jispjega x’setaʼ jagħmel Iżraeli jekk ikun kiser din il-​projbizzjoni, forsi bi żball.

Il-fatt li xi ħaġa tkun projbita mil-​Liġi ma jfissirx li l-​projbizzjoni xi darba jew oħra m’hijiex se tiġi injorata. Per eżempju, kien hemm regoli kontra s-​serq, il-​qtil, min jixhed ħażin, u affarijiet bħal dawn. Fl-​istess waqt, kien hemm kastigi għal min jikser dawn il-​liġijiet mogħtijin minn Alla. Dawn il-​kastigi kienu jsaħħu l-​liġijiet u wrew kemm kienu serji.

Min kien jikser il-​projbizzjoni kontra li jittiekel il-​laħam t’annimal li jinstab mejjet kien se jkun imniġġes f’għajnejn Ġeħova u biex jindaf kien se jkollu jgħaddi minn ċerta proċedura. Jekk kien jonqos milli jnaddaf lilu nnifsu kif suppost, kien se “jkun ħati taʼ ħżunitu.”—Levitiku 17:​15, 16.