Ipprepara lill-​Istudenti tal-​Bibbja għall-​Ministeru

¹ Fl-​aħħar mill-​aħħar, il-​mira li jkollna meta nikkonduċu studji tal-​Bibbja hi li nagħmlu dixxipli ġodda, ħaddiema li se jingħaqdu magħna biex ngħallmu lil ħaddieħor. (Mt. 28:​19, 20) Għalhekk, l-​iskop taʼ l-​istudju m’huwiex biss biex nagħtu t-​tagħrif; għandu jnaqqax fidi profonda fl-​istudenti tagħna u jippreparahom biex jaqsmu t-​tama tagħhom maʼ oħrajn. (2 Kor. 4:13) B’liema modi prattiċi nistgħu ngħinuhom ħalli jkollhom il-​ħila jgħallmu lil oħrajn?—2 Tim. 2:2.

² Poġġi l-​Ministeru Bħala Mira: Mill-​bidunett, agħmilha ċara li l-​qima vera tinvolvi li ‘tistqarr b’xofftejk biex ikollok is-​salvazzjoni.’ (Rum. 10:10) L-​isem stess tagħna, Xhieda taʼ Jehovah, juri biċ-​ċar li għandna nitkellmu maʼ oħrajn. Għinhom jaraw li mhux qed jiġu mgħallmin għas-​salvazzjoni tagħhom biss. Meta huma stess isiru għalliema, dawk li jisimgħuhom ukoll ikollhom l-​opportunità li jiġu salvati.—1 Tim. 4:16.

³ Irrivedi Dak li Tkunu Studjajtu: Meta minn żmien għal żmien tirrivedi dak li tkunu studjajtu, dan se jiswa ħafna għat-​tagħlim. Se jgħin lill-​istudent biex jikber spiritwalment hekk kif il-​veritajiet li jkun għadu kif tgħallem jitħawlu fis-​sod f’moħħu u f’qalbu. Aħna nesperjenzaw dan stess meta nwieġbu l-​mistoqsijiet għar-​reviżjoni li huma inklużi fl-​Istudju tat-​Torri taʼ l-​Għassa. Ipprepara għall-​istudent tiegħek mistoqsijiet sempliċi u diretti li jistaʼ jweġibhom fi kliemu stess.

⁴ Tistaʼ tagħmel ir-​reviżjoni tiegħek b’tali mod li tidher qisha ċirkustanza li tiltaqaʼ magħha fis-​servizz taʼ l-​għalqa. Qajjem mistoqsija jew iddeskrivi sitwazzjoni li tiltaqaʼ magħha ħafna meta tkun qed tagħti xiehda lil oħrajn. Billi tilgħab il-​parti taʼ l-​inkwilin, ħalli lill-​istudent tiegħek juri kieku x’kien jgħid. Faħħru taʼ dak li għamel tajjeb, u offri suġġerimenti prattiċi li se jgħinuh għal darb’oħra biex ikun saħansitra iktar effettiv. Dan it-​taħriġ se jgħallmu biex juża dak li tgħallem u se jgħinu jiżviluppa sengħa taʼ kif juża l-​Bibbja.

⁵ Uża l-​Ktejjeb Kif Nibdew u Nkomplu Diskussjonijiet Fuq Il-​Bibbja: Kun ċert li l-​istudent tiegħek ikollu kopja tal-​ktejjeb Kif Nibdew u Nkomplu, u ħarrġu biex jużah. Uri kif dan il-​ktejjeb jipprovdi suġġerimenti dwar kif tibda konversazzjonijiet, jew x’għandek tagħmel meta tiltaqaʼ maʼ oġġezzjonijiet. Fl-​istudju uża l-​ktejjeb biex turi modi kif titkellem maʼ oħrajn b’mod konvinċenti. Dan il-​ktieb jistaʼ jagħmlu iktar kunfidenti, u b’hekk jitqanqal iktar biex ixandar il-​messaġġ tas-​Saltna.

⁶ Agħmel Enfasi fuq l-​Importanza tal-​Laqgħat: Il-​laqgħat tal-​kongregazzjoni, speċjalment il-​Laqgħa tas-​Servizz u l-​Iskola tal-​Ministeru Teokratiku, huma magħmulin biex jippreparawna għas-​servizz taʼ l-​għalqa. L-​affarijiet fundamentali kollha għal għoti taʼ xiehda effettiv huma riveduti u murijin minn dawk li għandhom l-​esperjenza u mħarrġin tajjeb. Enfasizza l-​importanza tal-​laqgħat, u agħmel dak li tistaʼ biex tgħinu jattendi. Attendenza regulari tistaʼ tqanqal lill-​istudent tiegħek biex isir dixxiplu veru taʼ Ġesù.

⁷ M’għandniex ninsew ukoll l-​eżempju tiegħek persunali. Il-​fatt li toħroġ tippriedka minn jeddek u b’mod regulari juri l-​apprezzament profond tiegħek għall-​verità. Attitudni bħal din se tinkuraġġixxi lill-​istudent tiegħek biex jaħdem iktar ħalli juri l-​fidi tiegħu. (Lq. 6:40) Dan kollu jistaʼ jgħin lil persuna ġdida biex tħares lejn il-​ministeru bħala privileġġ u biex tkun grata li għandha sehem fih.—1 Tim. 1:12. (km-E 5/94)