Int Kif Tirreaġixxi Għall-Apatija?
1 L-apatija hija nuqqas taʼ sentiment jew emozzjoni, mingħajr ebda interess jew tħassib. Hija waħda mill-attitudnijiet l-iktar komuni u l-iktar diffiċli li niltaqgħu magħhom fil-ministeru. Int kif tirreaġixxi għaliha? Ġagħlitek tbatti fil-ministeru tiegħek? Kif tistaʼ tegħlibha sabiex tilħaq lin-nies bil-messaġġ tas-Saltna?
2 L-ewwel, sir af għala n-nies fit-territorju tiegħek huma apatetiċi. Huwa dan għax huma ddiżappuntati bil-mexxejja politiċi u reliġjużi tagħhom? Iħossuhom li m’hemm ebda soluzzjoni għall-problemi li jħabbtu wiċċhom magħhom? Huma xettiċi dwar wegħdi taʼ xi ħaġa aħjar? M’humiex lesti li jaħsbu dwar affarijiet spiritwali jekk qabel ma jarawx xi benefiċċji immedjati u tanġibbli?
3 Enfasizza T-Tama Tas-Saltna: M’hemm l-ebda problema li s-Saltna m’hijiex se ssolvi. Għalhekk, kulmeta nistgħu, għandna nitkellmu dwar wegħdi tas-Saltna, billi nirreferu għal stqarrijiet Skritturali prinċipali, anki jekk ma jkunx possibbli jew prattiku li naqraw xi vers mill-Bibbja. (Lhud 4:12) Madankollu, kif nistgħu nwasslu l-konversazzjoni sa dak il-punt?
4 In-nies għandhom bżonn jifhmu x’inhu l-għan taż-żjara tagħna. Jeħtieġ jirrealizzaw li aħna qegħdin hemm sforz l-imħabba tagħna lejn il-proxxmu u t-tħassib lejn il-komunità. Nistgħu nistaqsuhom xi mistoqsija maħsuba tajjeb, bħal per eżempju: “X’taħseb int li hija s-soluzzjoni għal [xi problema li qiegħda teffettwa lill-komunità]?” Jekk mod wieħed ma jaħdimx, ipprova xi mod ieħor.
5 F’wieħed mit-territorji fejn joqogħdu nies sinjuri u fejn l-inkwilini kienu indifferenti lejn il-messaġġ tas-Saltna, xi pubblikaturi stinkaw biex isibu introduzzjoni li kienet se tqajjem l-interess. Meta kien qed jiġi offrut il-ktieb Għarfien, koppja miżżewġa pprovat din l-introduzzjoni: “Tħoss int li edukazzjoni tajba hija importanti biex wieħed ikollu suċċess fid-dinja tal-lum? Taqbel li edukazzjoni komprensiva trid tkun tinkludi għarfien tal-Bibbja?” F’nofs taʼ nhar huma qassmu tliet kotba, u wieħed minnhom kien maʼ mara li iktar tard qalet li qrat il-ktieb Għarfien kollu u aċċettat studju tal-Bibbja.
6 Meta tiltaqaʼ maʼ l-apatija, ipprova metodi differenti, staqsi mistoqsijiet li jqanqlu l-ħsieb, u agħmel użu mill-qawwa tal-Kelma t’Alla. B’hekk int tkun tistaʼ tgħin lil oħrajn iħaddnu t-tama meraviljuża tas-Saltna.