Kompli Ibni Fuq L-​Interess Fl-​Aħbar Tas-​Saltna

¹ Matul Dawn L-​aħħar Ftit Ġimgħat, Konna Qed Ingawdu L-​privileġġ Li Nqassmu L-​aħbar Tas-​saltna Nru. 35, Intitolata “In-​nies Kollha Qatt Se Jħobbu Lil Xulxin?” Maʼ Kullimkien Il-​pubblikaturi Qed Jistinkaw Biex Jilħqu Lil Kemm Jistaʼ Jkun Uħud Denji b’din Il-​ħarġa Taʼ L-​aħbar Tas-​saltna. (Mt. 10:11) Għalkemm Il-​kampanja Suppost Li Tintemm Nhar Il-​ħadd, 16 Taʼ Novembru, Jekk Ikun Għad Baqaʼ Iktar Territorju X’jinħadem, L-​anzjani Jistgħu Jitolbukom Biex Tkomplu Tqassmu L-​aħbar Tas-​saltna Nru. 35 Sakemm Isservi L-​provista Tal-​kongregazzjoni.

² Din Il-​ħarġa Taʼ L-​aħbar Tas-​saltna Qanqlet L-​interess Taʼ Ħafna Nies. Huma Jaraw Li L-​biċċa L-​kbira Tal-​bnedmin Tilfu L-​affezzjoni Naturali Tagħhom U B’hekk Jitħassbu Dwar X’hemm Merfugħ Għall-​futur. (2 Tim. 3:3) Aħna Rridu Nibnu Fuq L-​interess Li Jkun Inħalaq.

³ L-​Aħbar Tas-​Saltna Tikseb Riżultati: Matul il-​kampanja taʼ l-​1995 bl-​Aħbar Tas-​Saltna, waħda mara li rċeviet kopja attendiet laqgħa fis-​Sala tas-​Saltna għax riedet tkun taf iktar dwar x’jemmnu x-​Xhieda taʼ Jehovah. F’dik il-​laqgħa aċċettat bil-​qalb studju tal-​Bibbja u minn dak inhar ’l hawn rari tilfet laqgħa waħda. Ma damitx ma kitbet lill-​knisja li qabel kienet tagħmel parti minnha, u neħħiet isimha!

⁴ S’issa, hemm mijiet taʼ nies fit-​territorju li qraw il-​messaġġ fl-​Aħbar Tas-​Saltna Nru. 35. Imma x’kienet ir-​reazzjoni tagħhom għalih? Saħansitra jekk dawn baqgħu impressjonati b’dak li qraw, il-​biċċa l-​kbira minnhom m’humiex se jieħdu azzjoni qabel ma jerġaʼ jżurhom wieħed mix-​Xhieda taʼ Jehovah. Qiegħed int tippjana li terġaʼ tmur? Tħassib b’imħabba lejn il-​proxxmu tagħna għandu jqanqalna biex nagħmlu hekk. Għandha terġaʼ ssir żjara lil kulmin wera interess fl-​Aħbar Tas-​Saltna.

⁵ X’Se Tgħid Meta Tirritorna? Tistaʼ tagħmel xi ftit kummenti dwar kemm huwa f’waqtu l-​messaġġ fl-​Aħbar Tas-​Saltna u mbagħad tistaqsi xi mistoqsija li tqanqal il-​ħsieb. Agħti widen bir-​reqqa hekk kif l-​inkwilin jesprimi ruħu sabiex tkun tistaʼ ssir taf x’għandu f’moħħu. Imbagħad iġbed l-​attenzjoni lejn xi punt addattat fil-​brochure X’Jirrikjedi, li jissemma fl-​Aħbar Tas-​Saltna. Jekk tikseb reazzjoni favorevoli, ipprova ibda studju tal-​Bibbja dak il-​ħin stess.

⁶ Hawn huma xi suġġerimenti taʼ preżentazzjonijiet li tistaʼ tipprova meta terġaʼ żżur lil dawk li jkunu wrew interess fl-​“Aħbar Tas-​Saltna” Nru. 35:

◼ “Għandek mnejn tiftakar l-​informazzjoni stampata li ħallejtlek dan l-​aħħar. Il-​messaġġ jittratta kwistjoni vitali li qed tifred lill-​umanità llum​—in-​nuqqas taʼ mħabba lejn oħrajn.” Iġbed l-​attenzjoni lejn l-​evidenza ppreżentata f’paġna 2 taʼ l-​Aħbar Tas-​Saltna taħt is-​sottitlu “L-​Imħabba Lejn Il-​Proxxmu Birdet.” Imbagħad staqsi, “Taħseb int li huwa l-​iskop t’Alla li l-​bnedmin jgħixu b’dan il-​mod?” Ħalli ħin għal tweġiba. Mur f’lezzjoni 5 fil-​brochure X’Jirrikjedi, u ipprova ibda studju tal-​Bibbja.

◼ “Meta ltqajna l-​ewwel darba, ħallejtlek xi informazzjoni fuq is-​suġġett ‘In-​Nies Kollha Qatt Se Jħobbu Lil Xulxin?’ Taħseb int li dinja bħal din hija possibbli?” Ħalli ħin għal tweġiba. Mur f’lezzjoni 6 fil-​brochure X’Jirrikjedi, u aqra paragrafu 6. Imbagħad aqra l-​wegħda t’Alla f’Mikea 4:​3, 4. Jekk l-​inkwilin juri interess, offrilu l-​brochure u studju.

◼ “L-​aħħar li żortok, ħallejtlek xi materjal intitolat ‘In-​Nies Kollha Qatt Se Jħobbu Lil Xulxin?’ Dan kien fih offerta taʼ studju tal-​Bibbja b’xejn fid-​dar. Erġajt ġejt biex nurik il-​ktieb li nużaw għall-​istudju. [Urih il-​ktieb Għarfien.] Dan il-​ktieb jispjega ċar meta n-​nies kollha se jkunu jħobbu lil xulxin, u jwieġeb mistoqsijiet oħrajn li forsi taħseb dwarhom: Għala nixjieħu u mmutu? Alla għala jippermetti s-​sofferenza? X’jiġrilhom il-​maħbubin mejtin tagħna?” Imbagħad staqsi, “Nistaʼ nurik kif isir il-​kors taʼ studju?” Jekk l-​inkwilin jirrifjuta l-​offerta tiegħek, staqsih jekk jixtieqx jaqra l-​ktieb waħdu. Jekk jixtieq, ħallilu kopja u jekk l-​inkwilin jistaqsi dwar il-​ħlas, spjega li x-​xogħol dinji tagħna t’edukazzjoni Biblika huwa megħjun minn donazzjonijiet volontarji. Ippjana li terġaʼ tmur.

⁷ Ladarba t-​territorju jkun inħadem bir-​reqqa bl-​Aħbar Tas-​Saltna Nru. 35, nistgħu noffru l-​ktieb Għarfien matul il-​bqija tax-​xahar. Għażla adegwata taʼ preżentazzjonijiet issuġġeriti għal dan il-​ktieb tistaʼ tinstab fl-​aħħar paġna taʼ Il-​Ministeru Tas-​Saltna fil-​ħarġa bl-​Ingliż taʼ Diċembru 1995; u fil-​ħarġiet bil-​Malti taʼ Marzu, Ġunju, u Novembru 1996; u taʼ Ġunju 1997.

⁸ Dan it-​tqassim speċjali taʼ l-​Aħbar Tas-​Saltna għandu jqanqalna lkoll biex nintensifikaw l-​isforzi tagħna fix-​xogħol taʼ l-​ippridkar. Bil-​għajnuna taʼ Jehovah nistgħu nkunu fiduċjużi li din il-​kampanja żgur se tkun taʼ suċċess, billi tgħin lin-​nies jaraw l-​iskop t’Alla li l-​bnedmin kollha għandhom iħobbu lil xulxin. Jalla Jehovah jkompli jbierek l-​isforzi ħabrieka tagħna hekk kif nibnu fuq l-​interess muri fl-​Aħbar Tas-​Saltna.