Kif Nikkultivaw l-​Interess li Ntwera Permezz taʼ l-​Aħbar tas-​Saltna Nru. 36

¹ Spiċċajt int tqassam l-​ammont li kellek taʼ l-​Aħbar tas-​Saltna Nru. 36? F’dan il-​fuljett insibu mistoqsija f’waqtha biex kulħadd jimmedita fuqha: “Il-​Millennju l-​Ġdid—X’Qed Joffrilek il-​Futur?” Hekk kif kienet qed toqrob is-​sena 2000, kien hemm ħafna affarijiet differenti mistennija li dan il-​millennju l-​ġdid setaʼ jġib miegħu. Il-​fuljett l-​Aħbar tas-​Saltna Nru. 36 jikkunsidra xi ftit minn dak li kien mistenni u jfakkarna li l-​kundizzjonijiet tad-​dinja ma jipprovdux bażi għall-​ottimiżmu. L-​uniku millennju li se jġib il-​paċi u s-​sigurtà li n-​nies tant qed ifittxu huwa r-​Renju t’Elf Sena taʼ Kristu Ġesù. Il-​fiduċja li għandna li s-​Saltna tiegħu hi reali ġagħlitna nqassmu l-​Aħbar tas-​Saltna Nru. 36 lil kulmin stajna.

² Reazzjonijiet għall-​Aħbar tas-​Saltna: Tqassim li sar qabel taʼ fuljetti oħra taʼ l-​Aħbar tas-​Saltna wera li kien inċentiv mill-​aħjar għalina fix-​xogħol tagħna. Rigward l-​Aħbar tas-​Saltna Nru. 35, il-​fergħa tal-​Kanada kitbet: “Il-​pubblikaturi u l-​pijunieri fis-​servizz taʼ l-​għalqa appoġġaw b’entużjażmu din il-​kampanja speċjali, u kellhom ħafna esperjenzi inkuraġġanti.” Mingħajr ebda dubju int urejt l-​istess entużjażmu għat-​tqassim taʼ l-​Aħbar tas-​Saltna Nru. 36.

³ Il-​kampanja taʼ l-​Aħbar tas-​Saltna li qed issir bħalissa għandha tispiċċa fis-​17 taʼ Novembru, 2000, skond l-​iskeda. Intlaħaq it-​territorju kollu assenjat lill-​kongregazzjoni tiegħek? Jekk le, l-​anzjani jistgħu jitolbuk biex tkompli l-​kampanja sa l-​aħħar taʼ Novembru.

⁴ X’kienet ir-​reazzjoni s’issa għat-​tqassim taʼ l-​Aħbar tas-​Saltna Nru. 36 fil-​lokalità tiegħek? Ftit li xejn nies se jimlew il-​kupun u jitolbu kopja tal-​browxer X’Jirrikjedi u/jew studju tal-​Bibbja fid-​dar. Madankollu, il-​biċċa l-​kbira taʼ dawk li fil-​bidu juru interess fis-​suġġett tal-​millennju x’aktarx li ma jiħdux azzjoni jekk wieħed mix-​Xhieda taʼ Jehovah ma jerġax imur iżurhom. Għandna nerġgħu nżuru lil dawk kollha li wrew interess. Meta jkun xieraq li nagħmlu dan? Iż-​żjara għandha ssir malajr kemm jistaʼ jkun.

⁵ Innota dawn l-​esperjenzi li rriżultaw miż-​żjajjar lura fejn tħalla l-​fuljett l-​Aħbar tas-​Saltna Nru. 35. Pijuniera fl-​Irlanda ħalliet l-​Aħbar tas-​Saltna mas-​sid taʼ restorant. Il-​mara baqgħet impressjonata bil-​messaġġ u stiednet lill-​oħt biex terġaʼ żżurha. L-​oħt marret iżżurha jumejn wara u nbeda studju tal-​Bibbja. Fid-​Danimarka, tħalliet kopja taʼ l-​Aħbar tas-​Saltna f’dar li ma kien hemm ħadd dak il-​ħin. Dakinhar stess il-​mara li kienet tgħix hemm bagħtet il-​kupun lill-​uffiċċju tal-​fergħa, u dan bagħtuh lill-​kongregazzjoni lokali. Lanqas laħqet għaddiet dik il-​ġimgħa li żewġ aħwa nisa ma marrux iżuruha u ftehmu għal studju, u l-​mara attendiet l-​ewwel laqgħa tagħha fis-​Sala tas-​Saltna!

⁶ X’Għandek Tgħid Meta Tmur Lura: Li tagħmel iż-​żjajjar lura fejn tkun ħallejt l-​Aħbar tas-​Saltna m’huwiex daqshekk diffiċli u hija parti mill-​ministeru tagħna li nieħdu gost nagħmlu. Meta tagħmel dan, ikun aħjar li ġġorr miegħek kopja taʼ l-​Aħbar tas-​Saltna Nru. 36, ladarba l-​inkwilin jistaʼ ma jkollux il-​kopja tiegħu. Tistaʼ tuża dawn is-​suġġerimenti.

⁷ Wara li tkun fakkart lill-​inkwilin min int, tistaʼ tgħid:

◼ “Ħallejtlek fuljett intitolat ‘Il-​Millennju l-​Ġdid—X’Qed Joffrilek il-​Futur?’ Ma kienx inkuraġġanti li taqra li dalwaqt se jibda r-​Renju t’Elf Sena taʼ Kristu Ġesù, li se jġib kundizzjonijiet taʼ Ġenna fuq l-​art? [Uri l-​istampi tal-​Ġenna taʼ l-​art fl-​Aħbar tas-​Saltna Nru. 36.] Fil-​paġna taʼ wara, int mistieden li tikseb kopja tal-​browxer Alla X’Jirrikjedi Minna?” Uri l-​browxer, iftħu f’lezzjoni 5, aqra l-​ewwel mistoqsija u paragrafi 1 u 2, u stieden lill-​inkwilin biex jagħti l-​kummenti tiegħu. Aqra u ddiskuti skrittura jew tnejn. Jekk inhu possibbli, ikkunsidra mistoqsija u paragrafu ieħor, imbagħad ftiehem biex terġaʼ tmur u tkompli bid-​diskussjoni.

⁸ Ladarba l-​offerta għal Novembru wara l-​fuljett se tkun il-​browxer “X’Jirrikjedi” jew il-​ktieb “Għarfien,” tistaʼ tgħid:

◼ “Meta m’ilux ġejt inżurek, ħallejtlek kopja taʼ ‘Il-​Millennju l-​Ġdid—X’Qed Joffrilek il-​Futur?’ Hawnhekk insibu l-​offerta taʼ studju tal-​Bibbja fid-​dar bla ħlas. Erġajt ġejt biex nurik x’inhi l-​għajnuna li nużaw għall-​istudju. [Uri l-​browxer X’Jirrikjedi, u mur lejn il-​qoxra taʼ wara; jew uri l-​ktieb Għarfien, u mur f’paġni 188-9.] Il-​Millennju li titkellem dwaru l-​Bibbja se jġib kundizzjonijiet bħalma tistaʼ tara f’din l-​istampa. Sabiex nikkwalifikaw li ngħixu fil-​Ġenna taʼ l-​art, għandna bżonn nieħdu għarfien eżatt dwar Alla. Jekk jogħġbok ippermettili nurik fil-​qosor kif nistudjaw il-​Bibbja.”

⁹ It-​tqassim taʼ l-​Aħbar tas-​Saltna Nru. 36 qanqalna biex inżidu s-​sehem tagħna fil-​ministeru, billi nagħtu xiehda kbira. X’aktarx li dan qajjem l-​interess taʼ ħafna individwi fit-​territorju. Bl-​għajnuna taʼ Jehovah, l-​isforzi magħqudin tagħna f’li nikkultivaw dan l-​interess se jirriżultaw li b’ferħ kbir insibu iktar uħud bħal nagħaġ.—Mt. 10:11; Atti 13:48, 49, 52.