Kaxxa għall-​Mistoqsija

◼ Min għandu jingħata badge tal-​konvenzjoni distrettwali?

Il-​badges tal-​konvenzjoni jistgħu jkunu ferm t’għajnuna biex nidentifikaw lil ħutna u biex nagħmlu reklam għall-​konvenzjoni. Madankollu, m’għandhomx jiġu mqassma bl-​addoċċ. Dawn se jidentifikaw lil min jilbishom bħala li għandu waqfa tajba maʼ kongregazzjoni partikulari tax-​Xhieda taʼ Jehovah.

Il-badge għandha l-​ispazju fejn jitniżżlu l-​isem taʼ l-​individwu kif ukoll l-​isem tal-​kongregazzjoni. Għalhekk, il-​persuna trid tkun tassoċja mhux ħażin mal-​kongregazzjoni mniżżla. Is-​Soċjetà tibgħat provvista taʼ badges lil kull kongregazzjoni. Ikun xieraq li tingħata badge lil kull pubblikatur mgħammed u mhux mgħammed. Anki t-​tfal u oħrajn li jattendu regolarment għal-​laqgħat tal-​kongregazzjoni u li qed jagħmlu progress lejn li jieħdu sehem fil-​ministeru taʼ l-​għalqa jistgħu jingħataw waħda. Ma jkunx xieraq li tingħata badge lil xi ħadd maqtugħ mis-​sħubija.

Meta l-​badges ikunu disponibbli, l-​anzjani għandhom jaraw li jiġu mqassma fi qbil maʼ din il-​gwida.