Għala Nħobbu lill-​Fratellanza Kollha Tagħna

Fid-​dinja bla mħabba taʼ llum, kif nistgħu nżommu l-​imħabba tagħna għal ħutna spiritwali tbaqbaq fina? (1 Pt. 2:17) Kif nistgħu nuru lil oħrajn li l-​fratellanza ġenwina u globali tagħna teżisti tassew? (Mt. 23:8) Permezz tal-​vidjo Our Whole Association of Brothers. Dan juri r-​raġunijiet għala nħobbu lil xulxin. Ara tistax twieġeb dawn il-​mistoqsijiet:

(1) Liema tliet attivitajiet nieħdu sehem fihom l-​istess bħal ħutna kollha madwar id-​dinja? (2) Ħutna kif qed juru d-​determinazzjoni tagħhom biex jippridkaw (a) fl-​art imwarrba taʼ l-​Alaska, (b) fil-​portijiet kbar taʼ l-​Ewropa, u (ċ) fil-​foresti mimlijin siġar tal-​Perù? (3) Liema għodda hija effettiva b’mod speċjali fl-​għoti taʼ xiehda? (4) Għala qatt m’għandna nħossu li l-​ippridkar huwa biss xogħol ordinarju? (5) Agħti eżempji taʼ kif ix-​Xhieda taʼ Jehovah farrġu u appoġġaw lil xulxin fi żminijiet diffiċli—terremoti, uragani, u gwerer ċivili. (Ara l-​kummenti taʼ Takao f’paġna 23 taʼ l-​Awake! tat-​22 t’Awissu, 1995, u taʼ Kotoyo f’paġna 20 taʼ l-​Awake! tat-​22 t’Ottubru, 1996.) (6) B’liema modi prattiċi nistgħu lkoll kemm aħna nuru l-​marka li tidentifika bil-​kbir lill-​fratellanza Kristjana tagħna? (Ġw. 13:35) (7) Kemm għandna nagħtuhom importanza l-​laqgħat tal-​kongregazzjoni? (8) Il-​fatt li jkollhom Sala tas-​Saltna fejn jiltaqgħu kif jeffettwa lil dawk li qabel ma kellhomx waħda? (9) Ħutna fl-​Ewropa tal-​Lvant u fir-​Russja kif irnexxielhom jibqgħu f’saħħithom spiritwalment meta x-​xogħol kien projbit? (10) Saħansitra issa, liema sforz straordinarju qed jagħmlu ħafna Xhieda sabiex jattendu l-​konvenzjonijiet, u għala? Dan kif messlek qalbek? (11) Għala tinsab determinat li tkun magħqud fil-​qima, tgħin lil oħrajn meta jkunu fil-​bżonn, u tippriedka fedelment kulmeta tistaʼ u b’kull mezz li tistaʼ? (12) Għala jkun tajjeb li jkollok kopja persunali taʼ dan il-​vidjo u turih lil kemm jistaʼ jkun nies interessati?