“Ħobbu l-​Fratellanza Kollha”

Il-​kliem ispirat taʼ dan it-​titlu ġie miktub kważi elfejn sena ilu. (1 Pt. 2:17) Imma issa għandna bżonn napplikawh iktar minn qatt qabel! Kif nistgħu nħobbu xi ħaġa daqstant vasta bħall-​fratellanza globali? U f’din id-​dinja nieqsa mill-​imħabba, kif nistgħu nkunu ċerti li mħabbitna ma tbatti qatt? (Mt. 24:12) Ara jekk tistax twieġeb il-​mistoqsijiet li ġejjin waqt li tkun qed tara l-​vidjow Our Whole Association of Brothers.

(1) Aħna meta sirna formalment parti mill-​fratellanza Kristjana tagħna? (2) Liema tliet attivitajiet tieħu sehem fihom il-​fratellanza kollha madwar id-​dinja? (3) Ħutna kif qed juru d-​determinazzjoni tagħhom biex jippritkaw (a) fl-​inħawi iżolati tal-​Alaska, (b) fil-​portijiet vasti tal-​Ewropa, u (ċ) fil-​foresti mimlijin siġar tal-​Perù? (4) Għala qatt m’għandna nħossu li l-​ippritkar huwa biss xogħol ordinarju? (5) Agħti eżempji taʼ kif ix-​Xhieda taʼ Ġeħova farrġu u appoġġaw lil xulxin (a) wara terremot, (b) wara uragan, u (ċ) matul gwerra ċivili? (6) B’liema modi prattiċi nistgħu lkoll kemm aħna nuru l-​marka li tidentifika bil-​kbir lill-​fratellanza Kristjana tagħna? (Ġw. 13:35) (7) X’inhuma l-​benefiċċji meta naħdmu flimkien biex nibnu s-​Swali tas-​Saltna tagħna? (8) Ħutna fl-​Ewropa tal-​Lvant u fir-​Russja kif irnexxielhom jibqgħu sodi spiritwalment meta x-​xogħol kien projbit? (9) Liema sforz straordinarju qed jagħmlu ħafna Xhieda sabiex jattendu l-​konvenzjonijiet, u għala? (10) Dan il-​vidjow kif saħħaħlek id-​determinazzjoni tiegħek (a) biex tqim lil Ġeħova fil-​laqgħat Kristjani f’unità maʼ ħutek, (b) biex tgħin lil oħrajn meta jkunu fil-​bżonn, u (ċ) biex tipprietka lealment kull meta u bi kwalunkwe mod li tistaʼ? (11) Kif u meta nistgħu nużaw dan il-​vidjow fil-​ministeru?

Ir-​raġuni prinċipali għala aħna parti mill-​fratellanza Kristjana hi l-​imħabba tagħna għal Ġeħova. Għalhekk, nieħdu pjaċir nitgħallmu u ngħallmu lil oħrajn dwaru. U nħobbu lin-​nies li Ġeħova jħobb. Meta jkunu fil-​bżonn u ngħinuhom, ma nistennewx li Alla jirringrazzja lilna. Minflok, aħna nirringrazzjaw lil Alla għax inqisu l-​fratellanza Kristjana tagħna bħala għotja prezzjuża mingħandu. Hekk kif l-​aħħar jiem taʼ din id-​dinja nieqsa mill-​imħabba qed jersqu fi tmiemhom, jalla nkomplu nuru l-​imħabba lejn il-​fratellanza kollha!