No Blood​—Medicine Meets the Challenge—Vidjo li Trid Tarah

Kemm inti informat sew dwar l-​għażliet li huma disponibbli fejn tidħol il-​mediċina mingħajr demm? Taf x’inhuma xi alternattivi għal trasfużjoni u kif jaħdmu? Ara dan il-​vidjo, u ittestja l-​għarfien tiegħek bil-​mistoqsijiet li ġejjin.​—Nota: Peress li dan il-​vidjo jinkludi xi xeni qosra t’operazzjonijiet, il-​ġenituri għandhom jużaw l-​għaqal meta jaraw dan il-​vidjo maʼ tfal żgħar.

(1) X’inhi r-​raġuni ewlenija għala x-​Xhieda taʼ Jehovah jirrifjutaw it-​trasfużjonijiet tad-​demm, u dan il-​prinċipju fejn jinsab fil-​Bibbja? (2) Fejn tidħol il-​kura medika, aħna x’nixtiequ? (3) Liema dritt bażiku għandhom il-​pazjenti? (4) Wieħed għala jkun qed juża r-​raġuni u jkun qed jaġixxi b’mod responsabbli meta jirrifjuta t-​trasfużjonijiet tad-​demm? (5) Meta wieħed jitlef ħafna demm, liema żewġ prijoritajiet urġenti jkollhom it-​tobba? (6) Liema riskji għas-​saħħa huma assoċjati mat-​trasfużjonijiet tad-​demm? (7) X’inhuma xi għodod li jistgħu jużaw il-​kirurgi biex inaqqsu t-​telf tad-​demm matul xi operazzjoni? (8) X’għandek trid tkun taf dwar kwalunkwe alternattiva għal trasfużjoni? (9) Jistgħu jsiru operazzjonijiet serji u komplikati mingħajr l-​użu tat-​trasfużjonijiet tad-​demm? (10) X’inhuma lesti li jagħmlu għax-​Xhieda taʼ Jehovah għadd li qed jiżdied taʼ tobba, u eventwalment x’tistaʼ ssir il-​proċedura normali taʼ kura li tintuża għall-​pazjenti kollha?

Bla dubju, ikun tajjeb li naraw il-​vidjo No Blood flimkien maʼ l-​istudenti tal-​Bibbja, imseħbin fiż-​żwieġ jew qraba li m’humiex Xhieda, dawk fuq ix-​xogħol, għalliema, u tfal fl-​iskola li jistgħu jqajmu mistoqsijiet dwar il-​waqfa tagħna fuq id-​demm. Jekk wieħed jaċċettax xi tip taʼ kura li tissemma f’dan il-​vidjo jew le hija deċiżjoni individwali bbażata fuq il-​kuxjenza tiegħu.—Ara “Mistoqsijiet mill-​Qarrejja” fil-​ħarġiet taʼ It-​Torri taʼ l-​Għassa tal-​15 taʼ Ġunju u l-​15 t’Ottubru, 2000.