Tafhom l-​Għażliet Tiegħek?

Il-​kirurġija mingħajr demm qiegħda ssir f’għadd li dejjem jiżdied taʼ ċentri mediċi madwar id-​dinja. Informat int bis-​sħiħ dwar l-​għażliet li huma disponibbli fil-​qasam tal-​mediċina mingħajr demm? Għandek bżonn tkun taf sabiex tkun tistaʼ tieħu deċiżjonijiet informati sew li jinvolvu t-​trattament u l-​kirurġija medika. Ara l-​vidjo No Blood—Medicine Meets the Challenge (Xejn Demm—Il-​Mediċina Tilqaʼ l-​Isfida). Wara, irrivedi bit-​talb dak li tgħallimt bl-​għajnuna tal-​mistoqsijiet imniżżlin hawn taħt.—Nota: Peress li l-​vidjo fih xeni qosra t’operazzjonijiet, il-​ġenituri għandhom jużaw l-​għaqal meta jaraw il-​vidjo maʼ wliedhom żgħar.

(1) X’inhi r-​raġuni prinċipali għala x-​Xhieda taʼ Ġeħova jirrifjutaw it-​trasfużjonijiet tad-​demm? (2) Meta jkun hemm bżonn taʼ kura medika, x’jixtiequ x-​Xhieda taʼ Ġeħova? (3) Liema dritt bażiku għandhom il-​pazjenti? (4) Għala huwa raġunevoli u responsabbli li individwu jagħżel alternattivi għat-​trasfużjoni? (5) Meta jintilef ħafna demm, liema żewġ prijoritajiet urġenti għandhom it-​tobba? (6) Liema huma l-​erbaʼ prinċipji taʼ strateġiji alternattivi għat-​trasfużjoni? (7) It-​tobba kif jistgħu (a) inaqqsu t-​telf tad-​demm, (b) iżommu ċ-​ċelluli ħomor tad-​demm, (ċ) jistimulaw il-​produzzjoni tad-​demm, u (d) jirkupraw id-​demm mitluf? (8) Iddeskrivi l-​proċeduri magħrufin bħala (a) hemodilution u (b) cell salvage. (9) Dwar xiex tixtieq tkun informat rigward kull alternattiva għat-​trasfużjoni? (10) Jistgħu operazzjonijiet serji u komplikati jsiru mingħajr l-​użu tat-​trasfużjonijiet tad-​demm? (11) Liema żvilupp pożittiv qed iseħħ fil-​komunità medika?

Li wieħed jaċċetta xi kura li tissemma fil-​vidjo hija deċiżjoni persunali taʼ kull individwu fi qbil mal-​kuxjenza tiegħu mħarrġa fuq il-​Bibbja. Ħadt deċiżjoni ċara dwar il-​kura u l-​proċeduri mediċi li int lest li taċċetta għalik u għal uliedek, u mbagħad imlejt id-​dokument Direttiva Medika bil-​Quddiem? Għal diskussjoni bis-​sħiħ dwar dawn il-​kwistjonijiet, irrivedi b’attenzjoni “Mistoqsijiet mill-​Qarrejja” fil-​ħarġiet tat-​Torri taʼ l-​Għassa tal-​15 taʼ Ġunju, 2004, u tal-​15 t’Ottubru, 2000. Imbagħad uża s-​sett taʼ mistoqsijiet fl-​insert tal-​ħarġa tal-​Ministeru tas-​Saltna taʼ Novembru 2006, bit-​titlu “Kif Inħares Lejn il-​Frazzjonijiet tad-​Demm u l-​Proċeduri Mediċi li Jinvolvu l-​Użu taʼ Demmi Stess?” biex tieħu d-​deċiżjonijiet persunali tiegħek dwar l-​għażliet li int lest taċċetta jew tirrifjuta. Fl-​aħħar nett, kun ċert li niżżilt l-​għażliet tiegħek bir-​reqqa fid-​dokument Direttiva Medika bil-​Quddiem. Kwalunkwe membru tal-​familja, inkluż dawk li mhumiex Xhieda, għandu jiġi informat bis-​sħiħ bid-​deċiżjonijiet tiegħek.