Arranġament Ġdid għal-​Libreriji tas-​Sala tas-​Saltna

Għal ħafna snin issa, il-​kongregazzjonijiet madwar id-​dinja bbenefikaw mill-​użu tal-​librerija fis-​Sala tas-​Saltna tagħhom, li qabel kienet imsejħa l-​librerija taʼ l-​Iskola tal-​Ministeru Teokratiku. Fil-​passat, kull kongregazzjoni kien jeħtieġ li jkollha l-​librerija tagħha. Illum, ħafna Swali tas-​Saltna qed jintużaw minn iktar minn kongregazzjoni waħda, u xi ftit huma kongregazzjonijiet taʼ lingwa barranija. Għalhekk, jidher li jkun aħjar jekk ikun hemm librerija waħda li tkun armata tajjeb u aġġornata f’kull lingwa tal-​gruppi li jużaw is-​Sala tas-​Saltna. Fis-​Swali tas-​Saltna li għandhom iktar minn awditorju wieħed, kull awditorju għandu jkollu librerija għal kull grupp differenti taʼ lingwa li jiltaqaʼ hemmhekk.

Huwa mistenni li dan l-​arranġament se jgħin biex ma jkunx hemm ħela taʼ spazju u flus. Iktar minn hekk, meta l-​libreriji taʼ żewġ kongregazzjonijiet jew iktar jingħaqdu f’waħda x’aktarx li se jkunu ferm aħjar. Meta dawn il-​libreriji jingħaqdu, kopji taʼ kotba żejda jistgħu jiġu merfugħin u iktar tard jintużaw meta jinbnew Swali tas-​Saltna ġodda. Jekk fis-​Sala tas-​Saltna jkun hemm kompjuter bil-​Watchtower Library fuq CD-ROM, xi wħud jistgħu jsibu din l-​għodda t’għajnuna kbira.

Għal kull librerija fis-​Sala tas-​Saltna, għandu jkun hemm ħu wieħed, li preferibbilment ikun wieħed mill-​indokraturi taʼ lIskola tal-​Ministeru Teokratiku, li jaqdi bħala librar. Hu għandu jibqaʼ jżid bil-​mod il-​mod pubblikazzjonijiet xierqa mal-​kollezzjoni, billi jimmarkahom pulit fuq in-​naħa taʼ ġewwa tal-​qoxra biex juri li huma l-​propjetà tal-​librerija tas-​Sala tas-​Saltna. Minn taʼ l-​inqas darba fis-​sena, għandu jiċċekkja l-​librerija biex jara li l-​pubblikazzjonijiet kollha qegħdin hemm u li kollha huma f’kundizzjoni tajba. Pubblikazzjonijiet minn dawn il-​libreriji m’għandhomx joħorġu mis-​Sala tas-​Saltna.

Il-librerija tas-​Sala tas-​Saltna għadha taʼ valur kbir għal dawk kollha li jassoċjaw mal-​kongregazzjoni. Jalla aħna personalment nuru li dan il-​provvediment huwa taʼ valur għalina billi nieħdu ħsieb u nużaw il-​librerija biex infittxu “t-​tagħrif taʼ Alla.”—Prov. 2:5.