‘Niddu bħal Kwiekeb’
1 Fis-sistema preżenti li hi spiritwalment u moralment mudlama, hemm madwar sitt miljun qaddej taʼ dak Alla veru, Jehovah, li qegħdin ‘jiddu bħal kwiekeb’ f’234 pajjiż madwar id-dinja. (Flp. 2:15) Dan jagħmilna nispikkaw. Aħna kif nirriflettu d-dawl prezzjuż tal-verità li jiġi mingħand Jehovah?—2 Kor. 3:18.
2 Bl-Azzjonijiet Tagħna: In-nies malajr jinnotaw il-kondotta tagħna. (1 Pt. 2:12) Waħda mara osservat li wieħed Xhud li kien jaħdem magħha kien qalbu tajba u lest li jgħin u ma kienx jitkellem ħażin jew jidħaq b’ċajt pastaż. Meta xi wħud ipprovaw jipprovokaw lix-Xhud billi qagħdu jitkellmu ħażin quddiemu, hu baqaʼ kalm iżda sod għal dak li hu tajjeb. Dan x’effett kellu fuq il-mara? Hi tiftakar: “Tant kont impressjonata bil-kondotta tiegħu li bdejt nistaqsi mistoqsijiet dwar il-Bibbja. Bdejt nistudja l-Kelma t’Alla u iktar tard tgħammidt.” Hi tkompli tgħid: “Kienet il-kondotta tiegħu li kkonvinċietni biex neżamina t-twemmin tax-Xhieda taʼ Jehovah.”
3 L-attitudni tagħna lejn l-awtorità, il-ħarsa tagħna lejn il-prattiċi tad-dinja, u l-mod xieraq kif nitkellmu jġagħlu lix-Xhieda taʼ Jehovah jispikkaw bħala nies li jgħixu fi qbil mal-livelli għoljin tal-Bibbja. Għemejjel tajbin bħal dawn jistgħu jġibu glorja lil Jehovah u jħajru lil oħrajn iqimuh.
4 Bil-Kliem Tagħna: M’għandniex xi ngħidu, jekk ma nitkellmux dwar it-twemmin tagħna, dawk li jaraw l-għemejjel tajbin tagħna għandhom mnejn ma jkunux jafu għala aħna differenti. Jafu dawk li jaħdmu miegħek jew li jmorru l-iskola miegħek li int wieħed mix-Xhieda taʼ Jehovah? Tfittex int opportunitajiet biex iddawwar konversazzjoni normali f’xiehda? Determinat int li tħalli ‘d-dawl tiegħek jiddi quddiem il-bnedmin’ f’kull okkażjoni xierqa?—Mt. 5:14-16.
5 Sabiex inwettqu l-inkarigu tagħna bħala dawwala jrid ikollna spirtu taʼ li nkunu lesti nagħmlu sagrifiċċju persunali. Jekk l-attitudni tagħna tkun li nagħtu b’ruħna kollha, se nitqanqlu biex niċċaħħdu minn affarijiet inqas importanti sabiex nagħmlu kemm nistgħu fix-xogħol li jsalva l-ħajjiet, jiġifieri, ix-xandir u li nagħmlu dixxipli.—2 Kor. 12:15.
6 Jalla nkomplu niddu bħala dawwala permezz taʼ l-azzjonijiet u l-kliem tagħna. Jekk nagħmlu dan, oħrajn se jitqanqlu jingħaqdu magħna biex ilkoll flimkien nagħtu glorja lil Jehovah.