Kaxxa għall-​Mistoqsija

◼ Għandna nispjegaw l-​arranġament tad-​donazzjoni meta nkunu qed nagħtu xiehda bit-​telefon?

Meta nkunu qed nagħtu xiehda wiċċ imbwiċċ, għandu mnejn inkunu nistgħu nispjegaw li x-​xogħol edukattiv mill-​Bibbja li jsir mix-​Xhieda taʼ Jehovah madwar id-​dinja huwa appoġġat bis-​sħiħ minn donazzjonijiet volontarji u li aħna bil-​qalb kollha naċċettaw għotjiet bħal dawn. Madankollu, waqt li nkunu qed nagħtu xiehda bit-​telefon, m’għandna nsemmu xejn dwar id-​donazzjonijiet jew l-​arranġament tagħhom, għax dan jistaʼ jinftiehem li nkunu qed inċemplu biex nittallbu għall-​flus. Il-​ministeru tax-​Xhieda taʼ Jehovah bl-​ebda mod m’huwa kummerċjali.—2 Kor. 2:17.

◼ Meta nkunu qed nagħtu xiehda bit-​telefon, x’għandna nagħmlu jekk xi ħadd jitlob biex ix-​Xhieda taʼ Jehovah ma jerġgħux iċemplu?

Ix-​xewqat taʼ dak li jkun għandhom jiġu rispettati. Għandha titpoġġa nota bid-​data fuqha u bl-​isem tal-​persuna mal-​mappa tat-​territorju biex b’hekk il-​pubblikaturi jevitaw li jerġgħu jċemplu dak in-​numru. Darba fis-​sena, il-​lista taʼ dawk li avżaw biex aħna ma nerġgħux inċemplu, għandha tiġi riveduta. Taħt id-​direzzjoni taʼ l-​indokratur tas-​servizz, pubblikaturi t’esperjenza u li għandhom it-​tattika jistgħu jkunu maħtura biex jikkuntattjaw lil dawn l-​uħud ħalli jaraw jekk għadhomx bl-​istess xewqa.​—Ara l-​Kaxxa għall-​Mistoqsija fl-​Our Kingdom Ministry taʼ Ġunju tas-​sena 1994.