Tfakkiriet għat-​Tifkira

Din is-​sena l-​osservanza tat-​Tifkira se tinżamm nhar il-​Ħamis, 24 taʼ Marzu. L-​anzjani għandhom jagħtu attenzjoni għall-​affarijiet li ġejjin:

◼ Meta tistabbilixxu l-​ħin tal-​laqgħa, kunu ċerti li l-​emblemi ma jitqassmux qabel inżul ix-​xemx.

◼ Kulħadd, inkluż il-​kelliemi, għandu jkun jaf il-​ħin u l-​post eżatt fejn se ssir l-​osservanza.

◼ Għandu jinkiseb u jitlesta t-​tip xieraq taʼ ħobż u nbid.​—Ara t-​Torri taʼ l-​Għassa tal-​15 taʼ Frar, 2003, pġi. 14-​15.

◼ Platti, tazzi, kif ukoll mejda u tvalja addattati għandhom jinġiebu fis-​sala u jitpoġġew f’posthom minn qabel.

◼ Is-​Sala tas-​Saltna jew xi post ieħor fejn se ssir il-​laqgħa għandu jitnaddaf sew minn qabel.

◼ L-​attendants u dawk li se jservu għandhom jintgħażlu u jingħataw istruzzjonijiet bil-​quddiem rigward l-​inkarigi tagħhom, il-​proċedura xierqa li trid tiġi segwita, u dwar il-​bżonn taʼ lbies u dehra rispettabbli.

◼ Għandhom isiru arranġamenti biex xi ħadd iservi lil dawk l-​uħud mill-​midlukin li jkunu ma jifilħux u ma jistgħux ikunu preżenti.

◼ Meta iktar minn kongregazzjoni waħda tkun se tuża l-​istess Sala tas-​Saltna, għandu jkun hemm koordinazzjoni tajba bejn il-​kongregazzjonijiet sabiex jevitaw l-​iffollar bla bżonn fl-​intrata jew fit-​taraġ, fuq il-​bankini, u fil-​post taʼ l-​ipparkjar.