X’Nistgħu Ngħidu dwar ir-​Rivisti

It-​Torri taʼ l-​Għassa 15 taʼ Sett.

“In-​nies madwar id-​dinja semgħu dwar Ġesù Kristu. Uħud jgħidu li kien biss bniedem li jispikka. Oħrajn iqimuh bħala l-​Alla li Jistaʼ Kollox. Int min taħseb li kien Ġesù Kristu? [Agħti ċans għal tweġiba.] Din ir-​rivista tispjega bl-​eżatt min kien, minfejn ġie, u fejn jinsab issa.” Aqra Ġwanni 17:3.

It-​Torri taʼ l-​Għassa 1 t’Ott.

Aqra l-​mistoqsija fuq il-​qoxra. Imbagħad staqsi: “Taf għal liema sinjal qed jirreferi dan? [Agħti ċans għal tweġiba. Imbagħad aqra Mattew 24:3.] Din il-​ħarġa tat-​Torri taʼ l-​Għassa tikkunsidra ħames elementi fundamentali tas-​sinjal u tispjega għala għandna nirrikonoxxuh.” Uri l-​kaxxa f’paġna 6.

Stenbaħ! Ott-Diċ

“Ħafna nies jgħixu kontinwament fil-​biżaʼ. X’taħseb li jikkaġuna dan it-​tip taʼ biżaʼ? [Agħti ċans għal tweġiba.] Din ir-​rivista toffri suġġerimenti prattiċi dwar kif nistgħu nipproteġu lilna nfusna minn perikli komuni. Tiddiskuti wkoll il-​wegħda tal-​Bibbja għal dinja ħielsa mill-​biżaʼ.” Aqra Isaija 11:9.